سیول: (یو این آئی) جنوبی کوریا میں کورونا وائرس کے 151,792 نئے معاملے درج ہوئے ہیں، جس سے ملک میں متاثرین کی کل تعداد 2,08,45,973 ہوگئی ہے۔ صحت کے حکام نے بدھ کو یہ اطلاع دی۔ کوریا ڈیزیز کنٹرول اینڈ پریوینشن ایجنسی (کے ڈی سی آر) کے مطابق، ایک دن پہلے یہاں انفیکشن کے 1,49,897 کیسز رجسٹر کیے گئے تھے۔ اومکی نئی شکل میں ملک میں کیسز تیزی سے بڑھ رہے ہیں۔
جنوبی کوریا میں گزشتہ ایک ہفتے سے اس مہلک وائرس کے یومیہ اوسطاً 1,13,400 نئے معاملے رجسٹر ہو رہے ہیں۔
محکمہ صحت کے حکام کے مطابق نئے معاملوں میں سے 615 بیرون ملک سے آئے افراد کے ہیں۔ اس کے ساتھ ہی ملک میں بیرون ملک سے کورونا متاثرین کی کل تعداد 49,594 تک پہنچ گئی ہے۔اس وقت کل کورونا ایکٹیو کیسز میں سے 402 مریضوں کی حالت تشویشناک ہے۔ اس کے ساتھ ہی اس کے انفیکشن کی وجہ سے مزید 50 مریضوں کی موت ہو گئی ہے جس سے مرنے والوں کی کل تعداد 25,382 ہو گئی ہے۔ ملک میں کورونا سے اموات کی شرح 0.12 ہے۔
