کیکسیس ڈو سول (یو این آئی) :پریاشا دیشمکھ اور دھنوش سریکانت کی مکسڈ ڈبلز جوڑی نے کیکسیس ڈو سول میں جاری ڈیف اولمپکس کے 6 ویں دن 10 میٹر ایئر رائفل مقابلے میں پہلا مقام حاصل کرکے ہندوستان کے لیے چوتھا طلائی تمغہ جیت لیا۔414 پوائنٹس کے ساتھ کوالیفائی کرنے والی پریاشا-دھنوش جوڑی نے ہفتے کے روز جرمنی کے سیباسٹین ہرمانی اور سبرینا ایکرٹ کو16-10 سے ہرا کر طلائی تمغہ جیتا۔ دھنوش کا یہ دوسرا گولڈ میڈل ہے ۔ اس سے قبل دھنوش نے بھی10 میٹر ایئر رائفل مردوں کے مقابلے میں247.5 کے عالمی ریکارڈ اسکور کے ساتھ طلائی تمغہ جیتا ہے ۔ ہندوستان نے اب تک شوٹنگ میں پانچ (تین گولڈ اور دو کانسی) اور بیڈمنٹن میں ایک گولڈ میڈل جیتا ہے ۔ کل چھ تمغوں کے ساتھ، ہندوستان تمغوں کی تعداد میں چھٹے نمبر پر چلا گیا ہے ۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
