نئی دہلی:(یو این آئی) وزارت خزانہ نے ای فائلنگ پورٹل پر ٹیکس دہندگان کو ہورہی پریشانیوں کا تقریباً ڈھائی مہینوں بعد بھی حل نہیں نکالے جانے کی وجہ سے انفوسس کے ایم ڈی اور سی ای او سلیل پاریکھ کو کل جواب دینے کے لئے طلب کیا ہے۔
محکمہ انکم ٹیکس نے یہاں بتایا کہ اس پر انفوسس کو سمن بھیجا گیا ہے جس میں ان سے انکم ٹیکس کے ای فائلنگ پورٹل میں آرہی گڑبڑی کے بارے میں معلومات دینے کے لئے کہا گیا ہے۔ اس میں کہا گیا ہے کہ سلیل پاریکھ 23اگست کو وزیر خزانہ نرملا سیتا رمن کے بتائیں کہ ڈھائی مہینے بعد بھی ای فائلنگ پورٹل میں گڑبڑی کیوں جاری ہے۔ وزارت نے انفوسس سے پوچھا ہے کہ اتنے دنوں بعد بھی ای فائلنگ سے منسلک گڑبڑی درست کیوں نہیں ہوسکی۔ اس سے ٹیکس دہندگان کو شدید پریشانیوں کا سامنا کرنا پڑ رہا ہے۔ 21اگست سے یہ پورٹل صارفین کے لئے دستیاب نہیں ہے کیونکہ اس میں تکنیکی خامی بتائی جارہی ہے۔
Ministry of Finance has summoned Sh Salil Parekh,MD&CEO @Infosys on 23/08/2021 to explain to hon'ble FM as to why even after 2.5 months since launch of new e-filing portal, glitches in the portal have not been resolved. In fact,since 21/08/2021 the portal itself is not available.
— Income Tax India (@IncomeTaxIndia) August 22, 2021
گزشتہ سات جون کو لانچ کے بعد ای فائلنگ پورٹل میں کئی طرح کی تکنیکی پریشانیاں آرہی ہیں جس سے ٹیکس دہندگان کو پریشانی ہورہی ہے۔پورٹل میں آرہی تکنیکی گڑبڑی پر حکومت کو کئی شکایتیں موصول ہوئی ہیں جن میں ٹیکس پروفیشنل، انسٹی ٹیوٹ آف چارٹرڈ اکاونٹنٹس آف انڈیا اور ٹیکس پیئر وغیرہ شامل ہیں۔ حکومت اسے جلد صحیح کرنے کا یقین دلا چکی ہے لیکن گڑبڑی اب تک جاری ہے۔
