ہماچل، کشمیر اور اتراکھنڈ میں برفباری، دہلی میں شدید کہرے اور ٹھنڈ

نئی دہلی: دارالحکومت میں شدید ٹھنڈ مستقل جاری ہے۔ ہماچل پردیش، کشمیر اور اتراکھنڈ میں تازہ برفباری نے بدھ کی صبح دہلی کے لوگوں کو شدید ٹھنڈ کا احساس کرایا۔ گھنے کہرے کی چادر نے فضائی خدمات سے لیکر ریل خدمات کو بھی متاثر کیا ہے۔ دہلی میں آج صبح سے کم از کم درجہ حرارت7 ڈگری سیلسیس ریکارڈ کیا گیا۔ کہرے کی وجہ سے وزیبلٹی 25 میٹر تک رہ جانے سے سڑک پر گاڑیاں لائٹ جلا کر آہستہ آہستہ چلتی نظر آئیں۔ اندرا گاندھی ہوائی اڈے پر وزیبلٹی کم رہنے سے5 پروازوں کا روٹ تبدیل کرنا پڑا۔   کہرے کی وجہ سے دہلی آنے والی 22 ٹرینیں متاثر ہوئی ہیں اور تاخیر سے چل رہی ہیں۔ واضح رہے کہ اس مرتبہ دسمبر وسط سے ہی دہلی کے لوگوں کو شدید سردی برداشت پڑ رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔