مدورئی:تامل ناڈو کے ستھانکلم میں باپ- بیٹے کی حراستی کی موت کی تحقیقات میں اس وقت بڑا جھٹکا لگا جب اس معاملے کی تحقیقات کرنے والے مرکریزی تفتیشی بیورو (سی بی آئي) کے ایک دوسرا افسر کورونا وائرس سے متاثر پایا گیا۔
اس کے ساتھ اس کیس کی تحقیقات میں شامل سی بی آئی کے پانچ اہلکاراب تک کورونا وائرس متاثر ہوئے ہیں۔ جمعہ کے روز پانچویں سی بی آئی آفیسر کے نمونے
جانچ کے لیے بھیجے گئے تھے اور ہفتہ کے شام کی رپورٹ میں ان کے کورونا وائرس سے متاثر ہونے کی تصدیق ہوگئی۔
اس سے قبل دہلی سے اس معاملے کی تحقیقات کے لیے آنے والی سی بی آئی کی آٹھ رکنی تحقیقاتی ٹیم کے چار ارکان کورونا سے متاثر ہوئے پائے گئے ہیں۔ تمام
متاثرہ افسران کو ریلوے اسپتال کے خصوصی وارڈ میں داخل کرایا گیا ہے۔
دریں اثناء، دہلی سی بی آئی ٹیم کے ساتھ کام کرنے والے ایک مقامی سی بی آئی آفیسر بھی کورونا وائرس سے متاثر پایا گیا ہے۔
اب چونکہ سی بی آئی کی تحقیقاتی ٹیم کے بیشترارکان زیرعلاج ہیں اور ان کا اگلے دو سے تین ہفتوں سے پہلے ڈیوٹی پر واپس لوٹنے کا امکان نہیں ہے،اس لئے
حراستی موت کے معاملے کی تفتیش متاثر ہوسکتی ہے۔
