نئی دہلی : (یو این آئی) سابق کانگریس صدر راہل گاندھی نے مارکسسٹ کمیونسٹ پارٹی کے لیڈر سیتارام یچوری کے بیٹے اور دہلی کانگریس کے سینئر لیڈر اے کے والیا کی موت کی خبر پر گہرے رنج و غم کا اظہار کرتے ہوئے کہا ہے کہ کوارنٹین میں رہتے ہوئے ملنے والی خبروں سے افسردہ ہوں۔
راہل گاندھی نے سیتارام یچوری کے بیٹے آشیش کے انتقال پر اہل خانہ سے گہرے رنج و غم کا اظہار کیا اور امید ظاہر کی کہ خدا انہیں اس مشکل گھڑی کا سامنا کرنے کی ہمت عطا کرے گا۔
घर पर क्वॉरंटीन हूँ और लगातार दुखद समाचार आ रहे हैं।
भारत में संकट सिर्फ़ कोरोना नहीं, केंद्र सरकार की जन विरोधी नीतियाँ हैं।
झूठे उत्सव व खोखले भाषण नहीं, देश को समाधान दो!
— Rahul Gandhi (@RahulGandhi) April 22, 2021
انہوں نے کانگریس لیڈر اے کے والیا کے انتقال پر بھی رنج کا اظہار کرتے ہوئے کہا کہ وہ سماجی کاموں سے وابستہ پارٹی کے ایک اہم لیڈر تھے۔ انہوں نے ڈاکٹر والیا کے کنبے اور دوستوں سے اظہار تعزیت کیا۔
راہل گاندھی نے ، جو حال ہی میں کورونا سے متاثر ہونے کے بعد کوارنٹین میں ہیں ، کہا ’’میں گھر میں کوارنٹین ہوں اور مسلسل افسوسناک خبریں آ رہی ہیں‘‘۔ ہندوستان میں بحران صرف کورونا ہی نہیں ہے ، بلکہ مرکزی حکومت کی عوام دشمن پالیسیاں ہیں۔ جھوٹی تقریبات اور کھوکھلی تقاریر ملک کو حل نہیں ۔
