نئی دہلی: (یو این آئی) ملک میں کورونا وائرس سے متاثرہ لوگوں کا پتہ لگانے کے لیے جانچ کا عمل تیزرفتاری سے جاری ہے اور اس سلسلے میں 17 اگست کو 1797559 افراد کی کووڈ 19 انفیکشن کی جانچ کی گئی۔ یہ اطلاع صحت اور خاندانی بہبود کی مرکزی وزارت نے دی ہے۔ وزارت صحت کے مطابق ملک میں 17 اگست تک مجموعی طور پر 498427083 افراد کی اسکریننگ کی گئی ہے۔ گزشتہ 24 گھنٹوں کے دوران ملک میں کورونا کے 35178 نئے کیسز کی آمد کے ساتھ متاثرہ افراد کی تعداد تین کروڑ 22 لاکھ 85 ہزار 857 ہو گئی ہے۔ اس دوران 37 ہزار 169 مریضوں کی صحت یابی کے بعد اس وبا کو شکست دینے والے افراد کی کل تعداد تین کروڑ 14 لاکھ 85 ہزار 923 ہو گئی ہے۔
📍#COVID19 UPDATE (As on 18th August, 2021)
✅35,178 daily new cases in last 24 hours
✅Daily positivity rate at 1.91%, less than 3% #Unite2FightCorona #StaySafe
1/4 pic.twitter.com/zxTnsB9QyD
— #IndiaFightsCorona (@COVIDNewsByMIB) August 18, 2021
اسی عرصے میں فعال کیسز 2433 سے کم ہو کر تین لاکھ 67 ہزار 415 ہو گئے ہیں۔ اس عرصے میں 440 مریضوں کی موت کی وجہ سے اموات کی تعداد بڑھ کر چار لاکھ 32 ہزار 519 ہو گئی ہے۔ ملک میں فعال کیسز کی شرح کم ہو کر 1.14 فیصد، صحت یابی کی شرح 97.52 فیصد اور اموات کی شرح 1.34 فیصد ہے۔
