نئی دہلی: بھارت کے تیز گیند باز محمد شامی ان دنوں اپنی بولنگ کو لے کر سرخیوں میں ہیں، سیمی فائنل میں سات وکٹ حاصل کرنے کے بعد محمد شامی پر انعام کی بارشیں ہو رہی ہیں تو وہیں ایک ادارہ نے سوشل میڈیا ایکس پر اپنے دل کی بات کہہ کر محمد شامی کی تئیں دیوانگی کا اظہار کی ہے۔ یہی نہیں ادارہ پائل گھوش شادی شدہ محمد شامی کو لے کر مسلسل سوشل میڈیا پر پوسٹ شیئر کر رہی ہیں۔ ایسے میں شامی کے ساتھ ساتھ پائل گھوش بھی آئی سی سی ون ڈے ورلڈ کپ میں چھائی ہوئی ہیں۔ لوگ پائل گھوش کو سوشل میڈیا پر سرچ کر رہے ہیں اور ان کے بارے میں جاننا چاہتے ہیں۔
#Shami Tum apna English sudharlo, I’m ready to marry you 🤣🤣
— Payal Ghoshॐ (@iampayalghosh) November 2, 2023
محمد شامی نے سیمی فائنل میں ہندوستانی ٹیم کے لئے بے مثال کارکردگی کا مظاہرہ کیا اور انہوں نے 7 وکٹیں حاصل کیں۔ اس ٹورنامنٹ میں یہ تیسرا موقع تھا جب اس اسٹار نے 5 یا اس سے زیادہ وکٹیں اپنے نام کیں۔ اب پائل محمد شامی کے اس کارنامے کی اتنی دیوانی ہوگئی ہیں کہ انہوں نے شادی کی پیشکش تک کردی۔ جبکہ وہ جانتی ہیں کہ محمد شامی پہلے سے ہی شادی شدہ ہیں اور ایک بیٹی کے والد بھی ہیں۔ معلوم ہو کہ محمد سمیع کی اہلیہ کا نام حسین جہاں ہے۔
Unbelievable #shami 7 wkts in a match … oh my God 🤩 #INDvsNZ
— Payal Ghoshॐ (@iampayalghosh) November 15, 2023
بتا دیں کہ پائل گھوش نے محمد شامی کا نام لے کر ایک پوسٹ کیا تھا۔ انہوں نے ٹویٹ کیا ‘شامی، تم اپنی انگریزی بہتر کرلو، میں تم سے شادی کے لئے تیار ہوں۔’ اداکارہ پائل گھوش کا یہ ٹویٹ فوراً وائرل ہوگیا تھا۔ اس کے بعد انہوں نے ایک اور ٹوئٹ کیا اور لکھا، ‘محمد سمیع، سیمی فائنل میں اپنی بہترین کارکردگی دکھانے کے لیے آپ مجھ سے کس قسم کی اخلاقی حمایت چاہتے ہیں؟ ہمیں پہلے فائنل میں پہنچنا ہے اور میں چاہتی ہوں کہ آپ ہیرو بنیں۔ تاہم بعد میں اداکارہ نے اس ٹویٹ کو ڈیلیٹ بھی کر دیا۔
مزید پڑھیں: محمد شامی کے گاؤں علی نگر کی تقدیر بدلے گی، اس لیڈر نے یوپی حکومت کے بعد کیا بڑا اعلان
ٹویٹس کا یہ سلسلہ جو پائل گھوش نے 2 نومبر سے شروع کیا تھا، اب بھی جاری ہے۔ حالانکہ پائل کی پوسٹ پر سمیع کی جانب سے کوئی ردعمل سامنے نہیں آیا ہے لیکن مداحوں کو یہ کافی دلچسپ لگ رہا ہے۔ اس کی وجہ سے پائل بھی سرخیوں میں چھائی ہوئی ہیں۔
