رانچی، (پی ٹی آئی) جھارکھنڈ پولیس نے بھارتیہ جنتا پارٹی (بی جے پی) کی لیڈر سیما پاترا کو آدیواسی گھریلو ہیلپر سنیتا (29) پر مظالم کرنے کے الزام میں بدھ
کو گرفتار کر لیا۔ پولیس ذرائع نے یہ جانکاری دی۔ پاترا انڈین ایڈ منسٹریٹو سروس (آئی اے ایس) کے ایک سبکدوش افسر کی بیوی ہیں۔ سنیتا کا ایک ویڈیو سوشل میڈیا
پلیٹ فارموں پر وائرل ہو گیا تھا جس میں وہ آپ بیتی سنا رہی تھی۔ اس ویڈیو
کو لے کر تنازع پیدا ہونے کے بعد بی جے پی نے سیما پاترا کو معطل کر دیا تھا۔ ذرائع نے بتایا کہ ایک سرکاری اہلکار سے ملنے والی اطلاع پر کارروائی کرتے ہوئے رانچی پولیس نے گزشتہ ہفتہ خاتون کو پاترا کی رہائش گاہ سے آزاد کرایا تھا
اور منگل کو ایک مجسٹریٹ کے سامنے گھریلو ہیلپر کا بیان درج کیا تھا۔
سیما پاترا نے مبینہ طور پر خاتون کو رانچی کے اشوک نگر علاقے میں اپنی رہائش گاہ میں کئی برسوں تک قیدی بنا کر رکھا تھا۔ جھارکھنڈ کے گورنر رمیش بیس نے بھی منگل کو ڈائرکٹر جنرل آف پولیس (ڈی جی پی) نیرج سنہا سے پوچھا تھاکہ پاترا کے
خلاف کوئی کارروائی کیوں نہیں کی گئی۔
