بی جے پی کارپوریشن سے جاتے جاتے دہلی کو تباہ کرنا چاہتی ہے
نئی دہلی (ایس این بی ) : نائب وزیر اعلیٰ منیش سسودیا نے کہا کہ بی جے پی میونسپل کارپوریشن سے جاتے جاتے دہلی کو تباہ کرنا چاہتی ہے اور دہلی کو تباہ کرنے کا بی جے پی کا مکمل منصوبہ اب آہستہ آہستہ منظر عام پر آ رہا ہے۔ بی جے پی کی گھٹیا سیاست کو بے نقاب کرتے ہوئے انہوں نے کہا کہ دہلی میونسپل کارپوریشن میں 17 سال سے بی جے پی لیڈروں، کونسلروں، میئروں، جونیئر انجینئروں نے دہلی میں غیر قانونی تعمیرات کو منظوری دے کربے تحاشہ پیشہ کمایا اور اب غیر قانونی تعمیرات کو ہٹانے کے نام پر دہلی کو تباہ کیا جا رہا ہے۔ نائب وزیر اعلیٰ منیش سسودیا نے اعداد و شمار پیش کرتے ہوئے کہا کہ دہلی میں 1750 غیر منظور شدہ کالونیوں میں 14 لاکھ خاندانوں کے 50 لاکھ لوگ رہتے ہیں اور بی جے پی کا منصوبہ یہاں بلڈوزر چلانے کا ہے کیونکہ یہ کچی کالونیاں ہیں، باقاعدہ اور غیر مجاز نہیں۔ انہوں نے کہا کہ بی جے پی کو بلڈوزر کی جھوٹی سیاست کرتی ہے، اس لئے بی جے پی اب سب کو بے گھر کرنا چاہتی ہے۔
منیش سسودیا نے کہا کہ دہلی میں 860 جھگی-جھونپڑی کالونیاں ہیں جن میں 10 لاکھ لوگ رہتے ہیں ۔ بی جے پی یہاں بھی جگہ جگہ لوگوں کو نوٹس دے رہی ہے، بی جے پی یہاں بھی بلڈوزر چلا کر لوگوں کو بے گھر کرنا چاہتی ہے۔ انہوں نے بتایا کہ بی جے پی نے مجاز-ڈی ڈی اے کالونیوں میں 3 لاکھ لوگوں کو نوٹس دیا ہے اور وہ توڑ پھوڑ کرنے جا رہی ہے کیونکہ لوگوں کے گھروں میں چھوٹے موٹے متبادلات ہیں۔ نائب وزیر اعلیٰ نے کہا کہ اگر بی جے پی نے بلڈوزر چلا کر لوگوں کو بے گھر کرنا ہے تو پھر 17 سال سے اقتدار میں رہتے ہوئے ان غیر قانونی تعمیرات کو کیوں ہونے دیا ۔ انہوں نے کہا کہ 17 سال سے ایم سی ڈی میں رہتے ہوئے بی جے پی لیڈران، کونسلر، کارپوریشن کے افسران نے کچی آبادیوں کی تعمیر، غیر منظور شدہ کالونیوں میں پلاٹوں وغیرہ کے نام پر لوگوں سے رشوت لیاور اب ان لوگوں کے مکانات کو گرانے میں لگے ہوئے ہیں۔
منیش سسودیا نے کہا کہ بی جے پی کا یہ منصوبہ پوری دہلی کے لیے خطرناک ہے اور اس سے دہلی برباد ہو جائے گا۔ انہوں نے کہا کہ بی جے پی اوچھی سیاست نہ کرے اور سب سے پہلے ان لوگوں کا احتساب کرے جنہوں نے اس تعمیر کو ہونے دیا۔ عام لوگوں کے گھروں پر بلڈوزر چلانے سے پہلے ان بی جے پی لیڈروں کے گھروں پر بلڈوزر چلائے جائیں جنہوں نے پیسے لے کر ان تعمیرات کی اجازت دی تھی۔
