ئی دہلی(ایس این بی ) ہائی کورٹ نے کہا کہ غیر امدادی نجی اسکولوں کو یہ حق نہیں ہے کہ وہ طلباءکی جانب سے فیس کی عدم ادائیگی کی صورت میں مقررہ تاریخ سے 10 دن کے بعد پانچ پیسے فی دن کی شرح سے لیٹ فیس وصول کریں۔ جسٹس ویبھو بکھرو اور امت مہاجن کی بنچ نے مشاہدہ کیا کہ دہلی ایجوکیشن ایکٹ کے باب 13 کی دفعات (یہ رومن اسکرپٹ میں کریں) صرف امداد یافتہ اسکولوں پر لاگو ہوتی ہیں نہ کہ نجی غیر امدادی اسکولوں پر۔ امداد یافتہ اسکولوں کو فیس کی عدم ادائیگی کی صورت میں طلباءکو ہڑتال کرنے کا حق نہیں ہے، لیکن غیر امدادی اسکولوں کو یہ حق حاصل ہے۔بنچ نے مشاہدہ کیا کہ امداد یافتہ اسکولوں کے سلسلے میں ان کے لازمی مضمرات سے لاگو قوانین کو نجی غیر امدادی اسکولوں کے معاملے میں لاگو نہیں کیا جاسکتا۔ نجی غیر امدادی اسکولوں کو فیس وصول کرنے کے معاملے میں خود مختاری حاصل ہے۔ نجی غیر امدادی اسکول اپنی فیس کا ڈھانچہ خود طے کرنے کے لیے آزاد ہیں، جس میں نہ صرف ٹیوشن فیس بلکہ دیگر فیسیں جیسے واجبات اور تعاون بھی شامل ہیں۔ بنچ نے واضح کیا کہ نجی غیر امدادی اسکولوں کے ذریعہ جمع کی جانے والی رقم ایکٹ کے دیگر دفعات کے تحت چلتی ہے۔عدالت نے یہ نکتہ ورکنگ کمیٹی غیر تسلیم شدہ پرائیویٹ اسکول بمقابلہ ڈائریکٹر (تعلیم) اور دیگر کے کیس میں دیا ہے۔
