اگرتلہ (یو این آئی) تریپورہ پولیس نے اتوار کی صبح نشے کے عادی ایک نابالغ کو ہلاہلی مارکیٹ سے اپنی کی ماں، بہن اور دادا سمیت چار افراد کے قتل کے الزام میں گرفتار کیا۔پولیس نے بتایا کہ ملزم نابالغ کو ہفتہ کی رات ڈھلائی ضلع کے کمال پور کے دورائی شیباری علاقے میں اپنے خاندان کے افراد کو قتل کرنے کے الزام میں گرفتار کیا گیا ہے ۔ملزم کی شناخت 17 سالہ سپریہ دیبناتھ کے طور پر کی گئی ہے ، جس نے ابتدائی تفتیش کے دوران پولیس کے سامنے جرم کا اعتراف کر لیا ہے ۔ ملزم دو سال سے نشہ کا عادی ہے اور ٹیلی ویژن پر مختلف مجرمانہ سیریل دیکھا کرتا ہے ۔پولیس نے بتایا کہ مرنے والوں کی شناخت ملزم کے دادا بادل دیبناتھ (70)، ماں سومیتا دیبناتھ (40)، بہن سورپنا دیبناتھ (10) اور پڑوسی ریکھا دیب (45) کے طور پر کی گئی ہے ۔ملزم کے والد ہردھن دیبناتھ نے دیر رات پولیس کو واقعہ کی اطلاع دی۔ اس نے پولیس کو بتایا کہ وہ رات تقریبا گیارہ بجے کے قریب گھر واپس لوٹے اور کمرے اور صحن کے دروازے کھلے ہوئے اور کئی جگہ خون کے دھبے دیکھے ۔ پڑوسیوں کے ساتھ تلاش کرنے پر میرے والد، بیوی، بیٹی اور پڑوسی کی لاشیں خون میں لت پت ملی اور میرا بیٹا لاپتہ تھا۔ڈھلائی کے پولیس سپرنٹنڈنٹ رمیش یادو نے بتایا کہ ہردھن نے رات دیر گئے کمال پور پولیس اسٹیشن میں فون کیا اور واقعہ کی اطلاع دی۔ اس کے بعد ہم سب جائے واقع پر پہنچے اور لاشوں کو نکال کر ہسپتال پہنچایا۔ سپریا صبح ہلاہلی بازار میں بہت بری حالت میں نشے میں پایا گیا۔
