ہوبارٹ (یو این آئی) دو بار کے چمپئن ویسٹ انڈیز کے کوچ فل سیمنز نے ٹی 20 ورلڈ کپ 2022 کے پہلے ہی راؤنڈ میں ٹیم کے باہر ہونے کے لیے بلے بازوں کو ذمہ دار قرار دیا ہے ۔پہلے راؤنڈ کے کرو یا مرو کے میچ میں ویسٹ انڈیز نے ٹاس جیت کر بیٹنگ کا فیصلہ کیا لیکن آئرلینڈ کے سامنے 20 اوورز میں صرف 147 رنز کا ہدف دے سکی۔ آئرلینڈ نے یہ ہدف 17.3 اوورز میں ایک وکٹ کے نقصان پر حاصل کر لیا۔سیمنز نے میچ کے بعد جمعہ کو نامہ نگاروں کو بتایاکہ “مجھے لگتا ہے کہ ہم نے آج کی ضروریات کو پورا نہیں کیا۔ ہم نے بلے سے اچھی شروعات کی، لیکن ہم اسے برقرار نہیں رکھ سکے ۔ آج آئرلینڈ تمام شعبوں میں ہم سے بہتر ہے ۔ اس نے اچھی باؤلنگ کی اور اچھی بلے بازی کر کے ہمیں میچ سے باہر کر دیا۔”سیمنز نے کہا کہ ٹورنامنٹ میں داخل ہونے سے پہلے ہی بیٹنگ کے مسائل موجود تھے ۔کوچ سمنز نے کہاکہ “ہم اچھی سطح کی کرکٹ نہیں کھیل رہے ہیں۔ ہمارے پاس بلے باز ہیں، صلاحیت ہے لیکن ہم اسے ساتھ نہیں لے رہے ہیں۔ ہمارے باؤلرز دس میں سے نو بار اچھی کارکردگی کا مظاہرہ کرتے ہیں لیکن بلے باز واقعی معیار پر نہیں اترے ۔”انہوں نے کہا کہ مجھے لگتا ہے کہ تمام بلے باز نہ صرف ورلڈ کپ میں بلکہ ورلڈ کپ سے قبل بھی اپنی کارکردگی سے مایوس ہوں گے ، بلے بازوں کو اپنے آپ کو دیکھ کر کام کرنے کی ضرورت ہے ، انہیں غور کرنا چاہیے کہ کھیل میں بنے رہنے کے لیے کیا کرنا پڑتا ہے ۔ ہم 170، 180 رن کیسے بنائیں کیونکہ گیند باز اپنا کام کر رہے ہیں۔”
