کنور(ایجنسی):ہماچل پردیش میں پہاڑی تودہ گرنے کے بعد سے اب 13لاشیں نکالی جاچکی ہیں اور راحت رسانی مہم جاری ہے، خدشہ یہ ہے کہ اموات کی تعداد میں بڑا اضافہ ہوسکتاہے۔ یہ حاد ثہ NH-05 جویری روڈ پر نگوساری اور چوہرے کے درمیان ہواتھا۔ ضلع انتظامیہ نے 13 لاشوں اور 13 لوگوں کے زخمی ہونے کی اطلاع دی ہے۔ ہماچل کے وزیر اعظم جے رام ٹھاکر نے کہا کہ ملبے میں دبے لوگوں کو محفوظ طریقے سے با ہر لانے کی ممکن کوشش کی جا رہی ہے۔ہماچل روڈیز کی بس منرگ سے ہریدوار جا رہی تھی۔ حادثے کے وقت بس میں کچھ لوگ سوار تھے۔ موقع پر ضلع انتظامیہ کی ٹیم پہنچ گئی ہے۔ ریاست کی ایمرجنسی ڈپارٹمنٹ سینٹر کی طرف سے اطلاع ملی ہے کہ ابھی اور بھی لوگوں کے اس میں پھنسے ہونے کی امید ہے۔ جب کہ وزیر اعلی کا خیال ہے کہ ابھی اس میں 50-60 لوگ دبے ہو سکتے ہیں۔ حادثے کے کچھ دیر بعد انھوں نے اطلاع دی تھی کہ ڈارئیور اور کنڈیکٹر سمیت چار افراد کو محفوظ طریقے سے باہر نکال لیا گیا تھا۔
घायलों को बेहतर स्वास्थ्य सेवाएं उपलब्ध करवाई जा रही हैं, उन्हें स्वास्थ्य लाभ शीघ्र प्राप्त हो, ईश्वर से यही कामना करता हूं।
— Jairam Thakur (@jairamthakurbjp) August 12, 2021
