نئی دہلی : کورونا وائرس کی وجہ سے کھیلوں کی تمام سرگرمیوں اور تربیت پر بندش کا اثر کھلاڑیوں پر نظر آرہا ہے اور وہ ذہنی طور پر متاثر ہیں۔ہندستان کے ٹاپ تیراک ویردھول کھاڑے نے ان حالات میں ریٹائرمنٹ کے بارے میں سوچنا شروع کردیا ہے۔ کھاڑے ہندوستان کے ان چھ تیراکوں میں سے ایک ہیں جنہوں نے ٹوکیو اولمپکس کے لئے بی کوالیفکیشن مارک حاصل کرلیا ہے۔
کورونا کی وجہ سے اولمپکس آئندہ سال جولائی تک ملتوی کردیئے گئے ہیں۔ ہندوستان میں کورونا کی حالت مسلسل بگڑ رہی ہے اور متاثرہ معاملات میں وہ دنیا میں چوتھے نمبر پر آگیا ہے۔ ہندستان میں ابھی تک کھلاڑیوں کی تربیت شروع نہیں ہوئی ہے۔ اگرچہ تربیت کے مقصد کے لئے کھیلوں کی کچھ سہولتیں کھول دی گئی ہیں ، تاہم پول اور جم فی الحال بند ہیں۔
ایشین گیمز کے سابق کانسی کا تمغہ جیتنے والے 28 سالہ کھاڑے نے ٹویٹر پر کہا کہ اب وہ سبکدوشی کے بارے میں سوچ رہے ہیں۔ سوئمنگ پول چھوڑنے کو تین ماہ ہوئے ہیں اگر دوسرے کھیلوں کے ایتھلیٹوں کو معاشرتی فاصلے پر چلنے کی تربیت دی جاسکتی ہے تو پھر تیراکوں کو کیوں روکا جاتا ہے۔کھاڑے نے کہا کہ مجھے امید ہے کہ اولمپک کے دوسرے ممکنہ تیراک اس کی وجہ سے ریٹائرمنٹ کے بارے میں نہیں سوچیں گے۔
