واشنگٹن: امریکی صدر ڈونلڈ ٹرمپ نے عالمی وبا کورونا وائرس کی زد میں آکر ملکی معیشت کو بری طرح متاثر کرنے والے بنیادی
ڈھانچے کے منصوبوں اور دیگر سرگرمیوں کی بحالی کے ایک انتظامی آرڈر پر دستخط کئے ہیں۔
وائٹ ہاؤس نے جمعرات کو ایک پریس ریلیز میں یہ اطلاع دی۔
صدر ٹرمپ نے کہا’’میں قومی ہنگامی صورتحال اور اس کے معاشی نتائج کے تمام مسائل حل کرنے کے لئے موجودہ قانونی حقوق کا استعمال کرتا
رہوں گا‘‘۔
اس ایگزیکٹیو آرڈر کے تحت وفاقی حکومت کے لیبر، زراعت ، ملٹری انجینئرنگ اور دیگر محکموں کے سربراہان کو ہدایت کی گئی ہے کہ وہ انفراسٹرکچر
منصوبوں میں تاخیر ختم کرنے کے لئے اپنے اپنے اختیارات کا استعمال کریں۔
ملک کی معیشت کو بہتر بنانے کیلئے متعلقہ محکموں کے سربراہان کو 30 دن کے اندر اندر منظور کئے گئے پروجیکٹوں کی رپورٹ دینی ہوگی۔
قابل غور ہے کہ کووڈ ۔19 کی وجہ سے، امریکہ میں 43 لاکھ افراد اپنی ملازمت سے محروم ہوچکے ہیں۔
