مہاراشٹر،تمل ناڈو،گجرات اوردہلی میں66.45 فیصد کورونا کیسز

نئی دہلی: مہاراشٹر،تمل ناڈو،دہلی اورگجرات میں کورونا وائرس متاثرین کی مجموعی تعداد 1،26،611 ہو گئی ہے جو ملک بھر کے کل متاثرین کا 66.45 فیصد ہے اوراب تک اس وبا سے 3970 افراد ہلاک ہو چکے ہیں۔مرکزی وزارت صحت کی جانب سے پیر کی صبح جاری تازہ ترین اعداد و شمار کے مطابق ملک میں گزشتہ 24 گھنٹوں میں کورونا وائرس کے 8392 نئے کیسز سامنے آئے ہیں، جس کے بعد مجموعی متاثرین کی تعداد 1،90،535 تک پہنچ گئی ہے۔ ملک میں اس وبا سے کل 5394 افراد کی موت ہوئی ہے اور 91،819 افراد شفایاب ہوئے ہیں۔