شرم شکتی بھون میں ملازمین کی آمدو رفت پر روک

نئی دہلی: لٹینس زون میں شرم شکتی بھون کی چھٹی منزل پر واقعہ وزارت توانائی کے ایک ملازم کے کورونا وائرس سے متاثر پائے جانے کے بعد بھون میں فی الحال ملازمین کی آمدو رفت پر روک لگا دی گئی ہے۔ 

عمارت میں وزارت لیبر کا دفتر بھی ہے۔ بھون میں کام کرنے والے سبھی ملازمین کو اگلے حکم تک گھر سے کام کرنے کےلئے کہا گیا ہے۔ وزارت توانائی کا دفتر چھٹی منزل پر ہے، جسے سیل کردیا گیا ہے۔ 
مرکزی وزارت توانائی نے اپنے سرکاری ٹویٹر ہینڈل پر بھی اس کی اطلاع دی ہے۔ ٹویٹ میں کہا گیا ہے’وزارت توانائی کے ایک افسر کورونا پازیٹو  پایا گیا ہے ،موجودی ہدایات کے مطابق سبھی طے پروٹوکول پر عمل کیا جارہا ہے۔ وزارت کا کام ورک فرام ہوم کے ذریعہ سے کیا جارہا ہے۔ 
بھون کو اب سینیٹائز کرنے اور دیگر عمل پورے کرنے کے بعد کھولا جائےگا۔