مرینا:مدھیہ پردیش کے ضلع مرینا کے جورا میں واقع نوودے ودیالے میں اڈیشہ کے 23بچے چھٹیاں ہونے کے بعد لاک ڈاؤن کی وجہ سے اسکول میں ہی پھنسے ہوئے ہیں۔
کلیکٹر پرینکا داس نے کل ودیالے پہنچ کر ان سبھی بچوں سے ملاقات کی اور انہیں یقین دلایا کہ وہ انہیں لاک ڈاؤن کھلنے پر تین مئی کے بعد گھر بھجوانے کا انتظام کریں گی۔انہوں نے بچوں کو تسلی دیتے ہوئے کہا کہ ودیالے کنبہ آپ کے ساتھ ہے۔انہوں نے سبھی بچوں کی فون پر ان کے والدین سے بات بھی کرائی اور انہیں اڈیشہ ان کے گھر بھیجنے کےلئے افسروں سے بات کی۔
کلیکٹر نے چھٹی کے دنوں میں بچوں سے کہا کہ وہ یہاں کتابوں کا مطالعہ کریں اوراگلی کلاس میں داخلے کی تیاری کریں۔انہوں نے کہا کہ لاک ڈاؤن کھلنے پر ضلع انتظامیہ سبھی کو انہں بسوں سے گھر بھیجنے کا انتظام کرےگا۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
