تلنگانہ کے ونپرتی ضلع میں سڑک حادثہ

   حیدرآباد:تلنگانہ کے ونپرتی ضلع میں پیش آئے سڑک حادثہ میں سینی ٹیشن ورکر ہلاک اور دیگر دو افراد شدید زخمی ہوگئے۔یہ حادثہ ضلع کے امرچنتا منڈل کے چندرگڑھ میں اُس وقت پیش آیا جب ٹینکر کے ڈرائیور نے توازن کھودیا اور یہ ٹینکر الٹ گیا۔اس ٹینکر کے ذریعہ پودوں کو پانی دینے کا کام کیاجارہا تھا۔زخمیوں کو علاج کے لئے مقامی اسپتال منتقل کردیاگیاجہاں ابتدائی طبی امداد کے بعد ان کو ایریا اسپتال لے جایاگیا۔اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔