اندور: مدھیہ پردیش کے اندور دیوی اہلیا بائی بین الاقوامی ہوائی اڈے سے ڈائریکٹوریٹ آف ریونیو انٹیلی جنس (ڈی آر آئی) نے تقریباً آدھا کلو گرام سونا برآمد کیا ہے۔ ڈی آر آئی اندور یونٹ کے سرکاری ذرائع نے بتایا کہ کل رات مسافر طیارہ نمبر 904 سے دوبئی سے اندور آنے والے ایک مشتبہ شخص کی جانچ کی گئی۔ جانچ کے دوران اس کے مقعد سے دو کیپسول برآمد کئے ہیں جس میں تقریباً آدھا کلو گرام سونا پایا گیا۔ ابتدائی جانچ میں پتہ چلا کہ ملزم غیر قانونی طور پرسونا اسمگل کرکے لا رہا تھا۔ پکڑے جانے سے قبل وہ سونے کو اندور سے ممبئی لے جانے کی کوشش میں تھا۔ ڈی آر آئی نے ایئر لائنس یونٹ (اے ای یو) کی اندور اکائی کو معاملہ مزید جانچ کے لئے سونپ دیا ہے۔ اے ای یو نے ملزم کو گرفت میں لیکر پوچھ گچھ شروع کردی ہے۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
