نئی دہلی:عدلیہ، دفاع اور سول سروس سمیت مختلف شعبوں سے وابستہ 154 اہم شخصیتوں نے صدر جمہوریہ رام ناتھ کووند سے شہریت قانون مخالفت مظاہروں پر مداخلت کی اپیل کی ہے۔ ان لوگوں نے صدر جمہوریہ کو آج ایک خط لکھ کر جمہوری اداروں کی سلامتی کی اپیل کرتے ہوئے سی اے اے کی مخالفت کے نام پر تشدد کرنے والوں کے خلاف کارروائی کی اپیل کی ہے۔ سکم ہائی کورٹ کے سابق جج پرمود کوہلی کی قیادت میں ایک وفد نے آج راشٹرپتی بھون میں صدر جمہوریہ سے ملاقات کی۔ ذرائع نے بتایا کہ وفد کے مطابق کچھ سیاستدانوں کے دباؤ میں سی اے اے کے خلاف مظاہرہ کیا جارہا ہے۔ خط پر دستخط کرنے والوں میں 11 سابق ججوں، سول سروس کے افسران اور سابق سفارت کار سمیت 72 افراد، دفاعی شعبوں سے جڑے 56 سابق افسران، تعلیم اور طبی شعبہ سے جڑے کئی لوگ شامل ہیں۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
