موہالی: پنجاب کے موہالی کے کرالی انڈسٹریل فوکل پوائنٹ پر واقع ایک کیمیکل فیکٹری میں بدھ کی صبح زبردست آگ لگنے سے تقریباً پانچ خواتین سمیت آٹھ افراد جھلس گئے۔
پولیس نے بتایا کہ شدید جھلسنے والی دو خواتین کو گورنمنٹ میڈیکل کالج اور اسپتال چنڈی گڑھ ریفر کیا گیا ہے۔ ان کی حالت بدستور تشویشناک ہے۔ 20 سے زائد فائر انجن موقع پر آگ بجھانے کی کوشش کر رہے ہیں۔ دریں اثناء فیکٹری میں تین زور دار دھماکوں سے علاقے میں خوف کی فضا ہے۔ ایک اور دھماکے کے خدشے کے پیش نظر فائر فائٹرز بھی فیکٹری کے قریب نہیں جا پارہے ہیں۔ بتایا جاتا ہے کہ فیکٹری میں کیمیکل کی بڑی مقدار رکھی گئی تھی۔ جائے حادثہ پر ضلعی انتظامیہ کے اعلیٰ حکام، طبی ٹیمیں اور کئی ایمبولینسیں موجود ہیں۔
جائے وقوعہ سے دھویں کے اٹھ رہے ہیں جس نے ایک بڑے علاقے کو اپنی زد میں لے لیا ہے۔ ان علاقوں میں لوگوں کی آنکھوں میں جلن اور سانس لینے میں دشواری ہونے لگی ہے۔
بتایا جاتا ہے کہ فیکٹری میں آگ علی الصبح تقریباً 11 بجے لگی اور اس وقت تقریباً 25 ملازمین وہاں کام کر رہے تھے۔ آگ لگنے اور دھماکہ ہوتے ہی ملازمین کسی طرح بچ نکلے تاہم آٹھ کے قریب افراد جھلس گئے، ان میں پانچ خواتین ہیں۔ ان کی شناخت انجو، سندھیا کماری، نبھا کماری، جے دیو دیوی اور دلجیت کور کے طور پر ہوئی ہے۔ انجو اور سندھیا کماری تقریباً 70 فیصد جھلس جانے کے باعث چنڈی گڑھ کے ایک اسپتال میں داخل ہیں۔ ان کی حالت تشویشناک بتائی جاتی ہے۔ باقی پانچ افراد جن میں تین خواتین بھی شامل ہیں،سول اسپتال موہالی 6 میں زیر علاج ہیں۔
مزید پڑھیے:
مدھیہ پردیش کے اجین میں 12 سالہ نابالغ لڑکی کی عصمت دری، جانیے کانگریس رہنما راہل گاندھی کا رد عمل کیا ہے؟
پاکستان کے سابق وزیراعظم عمران خان کو عدالتی فیصلے کے نتیجے میں اٹک جیل سے اڈیالہ جیل منتقل کر دیا گیا
صورتحال کے پیش نظر موقع پر موجود اعلیٰ حکام نے احتیاطی تدابیر کے طور پر قریبی فیکٹریوں سے مزدوروں کو نکالنا شروع کر دیا ہے۔ جائے حادثہ کے قریب کسی کو جانے کی اجازت نہیں دی جا رہی ہے۔
