کرناٹک کے نائب وزیر اعلی اور ریاستی پارٹی کے صدر ڈی کے شیوکمار نے پیر کو کہا کہ اتحاد سے غیر مطمئن بی جے پی اور جے ڈی (ایس) لیڈر کانگریس میں شامل ہونے کے لیے آگے آ رہے ہیں۔
یہاں نامہ نگاروں سے بات کرتے ہوئے شیوکمار نے کہا کہ اس معاملے پر وزیر اعلیٰ سدارامیا اور کابینہ کے وزراء سے بات چیت کی جا رہی ہے۔ انہوں نے کہا، ’’ہم نے نچلی سطح پر بی جے پی اور جے ڈی (ایس) پارٹی کارکنوں کو شامل کرنے کے لیے گرین سگنل دے دیا ہے۔ ہم انسداد انحراف قانون کے بارے میں بھی محتاط ہیں۔
اتحاد کے اعلان کے بعد بڑی تعداد میں لیڈران، خاص طور پر اقلیتی طبقے سے تعلق رکھنے والوں نے جے ڈی (ایس) کو چھوڑنے کا فیصلہ کیا ہے۔
جنتا دل (ایس) کے ریاستی صدر سی ایم ابراہیم نے اس پیش رفت پر کوئی تبصرہ نہیں کیا ہے، لیکن مسلم رہنماؤں نے اس سلسلے میں ایک میٹنگ کی ہے۔
جب شیوکمار سے وزیروں کو لوک سبھا سیٹوں کے لیے بطور مبصر مقرر کیے جانے کے بارے میں پوچھا گیا تو انھوں نے کہا کہ ریاست کی تمام 28 لوک سبھا سیٹوں کے لیے پہلے ہی مبصر مقرر کیے جا چکے ہیں۔
انہوں نے کہا کہ چونکہ بھاری اور درمیانی صنعت کے وزیر ایم بی۔ پاٹل بیرون ملک ہیں اور بجلی کے وزیر کے. جارج اب پارٹی کی مرکزی کمیٹی میں شامل ہیں، اس لیے انہیں مبصر کے طور پر تعینات نہیں کیا گیا ہے۔
مزید پڑھیئے:
پارلیمنٹ میں غیر پارلیمانی اور غیر مہذب الفاظ کا استعمال لمحۂ فکریہ
مدھیہ پردیش میں سیاست کے بدلتے رنگ ڈھنگ
شیوکمار نے کہا، ”مجھے 10 دنوں میں تمام لوک سبھا سیٹوں کی رپورٹ مل جائے گی۔ توقع ہے کہ ہر سیٹ کے لیے دو سے تین نام فائنل کیے جائیں گے۔ امیدواروں کی پہلی فہرست جنوری سے پہلے جاری کی جائے گی۔
