بارسلونا(ایجنسیاں) : ویمنز چیمپئنز لیگ کا میچ بدھ کو ہسپانوی کلب بارسلونا ایف سی اور ریال میڈرڈ کے درمیان کھیلا گیا۔ اس میچ کے دوران بارسلونا کے ہوم گراؤنڈ ناؤ کیمپ اسٹیڈیم میں ریکارڈ 91 ہزار تماشائی موجود تھے۔ ویمنز چیمپئنز لیگ کی دفاعی چمپئن بارسلونا نے کوارٹر فائنل میچ کا دوسرا مرحلہ 5-2 سے جیت لیا۔ پہلے مرحلے میں ٹیم نے3-1 سے کامیابی حاصل کی۔ اس طرح بارسلونا نے کوارٹر فائنل میچ8-3 سے جیت کر لیگ کے سیمی فائنل میں اپنی جگہ پکی کرلی۔
منتظمین نے بتایا کہ بدھ کو یہاں میچ کے دوران اسٹیڈیم میں 91,553 افراد موجود تھے۔ حاضرین نے میچ میں کھلاڑیوں کی کارکردگی پر زیادہ بحث کی۔ خواتین کا کوئی فٹ بال میچ اب تک اس سے زیادہ تماشائیوں تک نہیں پہنچا تھا۔ اس سے قبل یہ ریکارڈ 1999 کے ورلڈ کپ فائنل میں امریکا اور چین کے نام تھا۔ اس میچ کے دوران روز باؤل اسٹیڈیم میں 90,185 تماشائی موجود تھے۔اسپین کی ڈومیسٹک لیگ میں سب سے زیادہ ناظرین کا ریکارڈ 2019 میں بنایا گیا تھا۔بارسلونا اور اٹیلیٹکو میڈرڈ کے درمیان کھیلے گئے میچ کو دیکھنے کے لیے 60,739 تماشائی پہنچے تھے۔ بیلن ڈی آر کی فاتح پوٹیلس، جو ناؤ کیمپ میں مردوں کی ٹیم کو دیکھ کر بڑی ہوئی ہیں، نے کہا کہ تماشائیوں کی تعداد نے اسے ‘بے آواز’ چھوڑ دیا ہے۔ اس نے کہا، ‘یہ مکمل طور پر جادوئی تھا۔ جب میچ ختم ہوا تو شائقین گھر نہیں جانا چاہتے تھے، وہ ہمارے ساتھ جشن منا رہے تھے‘۔
میچ کے آغازمیں اسٹیڈیم آدھا بھرا ہوا تھا، لیکن شائقین آہستہ آہستہ پہنچے اور آخر تک یہ تقریباً مکمل طور پر بھر گیا، جس سے شرکا نے کارنیول کا ماحول بنا دیا۔ میچ میں شکست کے بعد بھی کوچ البرٹو ٹورل شائقین کی آمد پر خوش تھے۔
