جے پور: (یو این آئی)راجستھان اسمبلی کے بجٹ اجلاس کے دوسرے دن آج اپوزیشن جماعت بھارتیہ جنتا پارٹی (بی جے پی) کے ارکان نے ٹیچرس اہلیتی ٹسٹ پیپر لیک معاملے کی سنٹرل بیورو آف انویسٹی گیشن (سی بی آئی) سے تحقیقات کرانے کے مطالبے پر ہنگامہ کیا۔ وقت مقررہ سے بیس منٹ قبل وقفہ سوالات ختم ہونے پر ایوان کی کارروائی 12 بجے تک ملتوی کر دی گئی۔ ایوان کی کارروائی وقفہ سوالات سے شروع ہوئی اور اپوزیشن بی جے پی ارکان نے اپنے مطالبے کی حمایت میں ہاتھوں میں پلے کارڈ لہرا کر احتجاج شروع کیا اور بعد میں ایوان کے وسط میں آکر ہنگامہ آرائی کی۔ تاہم اس دوران وقفہ سوالات جاری رہا اور مقررہ وقت سے بیس منٹ قبل ختم ہوا۔اس کے بعد اسمبلی کے اسپیکر ڈاکٹر سی پی جوشی نے ایوان کی کارروائی ملتوی کر دی۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
