نئی دہلی،(یو این آئی) سویڈن میں ایک ہفتہ طویل روڈ شو ‘ٹائم فار انڈیا’ منعقد ہونے جا رہا ہے۔ اس میں ہندوستان میں سویڈن کے سفیرکلاس مولن کی قیادت میں ایک اعلیٰ سطحی وفد شرکت کرے گا۔
وفد میں ممبئی میں سویڈن کی قونصل جنرل اینا لیکوال، ٹریڈ کمشنر سیسلیا آسکرسن، انڈیا میں سویڈش چیمبر آف کامرس کی جنرل منیجر سارہ لارسن اور سائنس اینڈ انوویشن اینڈ بزنس ایڈوائزر پر آرن وکسٹروم اور سویڈن میں انڈیا کے مارکس لنڈگرین شامل ہیں۔ اور لٹویا کے سفیر تنمے لال اور سویڈن انڈیا بزنس کونسل کے صدر ہاکن کنگسٹڈ بھی وفد میں شامل ہوں گے۔
ٹائم فار انڈیا بریک فاسٹ سیمیناروں کا ایک سلسلہ ہے جو ہندوستان کو جاننے کا موقع فراہم کرے گا۔ یہ کام کے مختلف علاقوں اور بازاروں کے بارے میں جامع تازہ ترین معلومات فراہم کرے گا۔ موجودہ مواقع پر بات چیت ہوگی اور حالیہ اقتصادی صورتحال کی روشنی میں ہندوستان کی تجارتی حکمت عملیوں کو مضبوط کرنے کے اقدامات پر تبادلہ خیال ہوگا۔ اس کا مقصد سویڈن میں سویڈش کمپنیوں اور ہندوستانی کمپنیوں کے لیے دستیاب مواقع کو بہتر طور پر سمجھنا ہے۔
سفیر کلاس مولن نے کہا کہ “ٹائم فار انڈیا سویڈن اور ہندوستان کے درمیان دو طرفہ تجارت اور سرمایہ کاری کو بڑھانے کے لیے ایک اہم مشترکہ کوشش ہے۔ دونوں ممالک کے وزرائے اعظم کے ساتھ ساتھ متعلقہ وزرائے تجارت پیوش گوئل اور انا ہالبرگ نے ہمیں یہ ذمہ داری سونپی ہے۔ ہمارا مقصد دونوں ممالک کے درمیان اشیا اور خدمات میں سرمایہ کاری، مواقع، روزگار اور تجارت کو بڑھانا ہے۔ روڈ شو میں، ہم ہندوستان میں سویڈش کمپنیوں اور سویڈن میں ہندوستانی کمپنیوں کے لیے دستیاب مختلف مواقع پر روشنی ڈالیں گے۔ تجارت اور سرمایہ کاری پر تبادلہ خیال کرنے کے لیے، ہم پرائیویٹ سیکٹر، حکومت اور دیگر فیصلہ کن کرداروں کے نمائندوں سے ملاقات کریں گے تاکہ تجارتی تعاون کی سہولت کو بڑھانے اور ٹیم سویڈن اور ٹیم انڈیا کس طرح مدد کر سکتے ہیں۔وفد سویڈن میں ہندوستانی سفارت خانے کے زیر اہتمام ہندوستان میں سرمایہ کاری پر اختتامی سیمینار میں شرکت کے لیے اسٹاک ہوم سے لولیا سے گوتھنبرگ سے مالمو اور واپس اسٹاک ہوم جائے گا۔
