نئی دہلی: دہلی سے پانی پت جانے والی انڈین آئل کارپوریشن لمیٹڈ کی پائپ لائن سے تیل چوری کرنے کے لیے شرپسندوں نے 40 میٹر لمبی سرنگ کھودی۔ اس معاملے میں شکایت ملنے پر دوارکا ضلع پولیس نے پوچن پور گاؤں میں رہنے والے ملزم راکیش کو گرفتار کر لیا۔
انڈین آئل مینجمنٹ نے ملزم کے خلاف پولیس کو شکایت دی تھی۔ جس کے بعد دوارکا سیکٹر 23 تھانے میں مقدمہ درج کیا گیا اور پولیس نے کارروائی کرتے ہوئے ملزم راکیش کو گرفتار کر لیا۔ فی الحال پولیس ملزم سے پوچھ گچھ کر رہی ہے اور اس کے باقی ساتھیوں کی تلاش کر رہی ہے۔
دوارکا کے ڈی سی پی ایم ہرش وردھن کے مطابق پائپ لائن کے معائنہ کے دوران انڈین آئل انتظامیہ نے پایا کہ پوچن پور گاؤں کے آس پاس سے پائپ لائن میں بہنے والے تیل کا دباؤ کم ہو رہا ہے۔ اس سے اندازہ لگایا گیا کہ کہیں سے تیل نکل رہا ہے۔ اس کے بعد چوری کا شبہ ظاہر کرتے ہوئے پولیس کو شکایت دی گئی۔
شکایت ملنے کے بعد پولیس ٹیم نے پائپ لائن میں اس جگہ کی کھدائی کی جہاں سے انڈین آئل کے ملازمین نے پولیس کو چوری کی اطلاع دی۔ پولیس کو پتہ چلا کہ مین پائپ لائن میں کئی مقامات پر سوراخ ہیں۔ یہ پائپ لائن ایک والو کے ذریعے پلاسٹک کی پائپ لائن سے منسلک تھی۔
تفتیش کے دوران پولیس کو پتہ چلا کہ ملزمان نے مین پائپ لائن تک پہنچنے کے لیے تقریباً 40 میٹر لمبی سرنگ کھودی تھی۔ اس سرنگ سے پلاسٹک کی پائپ لائن گزرتی تھی۔ ملزمان تک تیل پلاسٹک کی پائپ لائنوں کے ذریعے ہی پہنچا۔ چالیس میٹر لمبے پلاٹ کا مالک راکیش نامی شخص ہے۔ پولیس نے اسے گرفتار کر لیا۔
مزید پڑھیں:
سکم میں بادل پھٹنے سے آئی سیلاب میں اب تک چالیس لوگوں کی موت، سات فوج کے اہلکار شامل
ایم ایس دھونی ’جیو مارٹ ‘کے برانڈ ایمبیسیڈر بنے
راکیش کی گرفتاری کے بعد اس سے ملی اطلاع کی بنیاد پر پولس اب اس معاملے میں دیگر ملزمان کی تلاش میں مصروف ہے۔ پولیس کے مطابق اس بات کا پتہ لگایا جا رہا ہے کہ ملزمان نے تیل کس کو اور کس قیمت پر فروخت کیا۔
