ایشین گیمز 2023 میں سنیل چھتری کی کپتانی میں ہندوستانی ٹیم ہندوستان اور سعودی عرب کی فٹبال ٹیموں کے درمیان کھیلے گئے میچ میں 0-2 سے ہار گئی۔ یہ دونوں کے درمیان راؤنڈ 16 کا میچ تھا جو ہانگ زو کے ہوانگ لونگ اسپورٹس سینٹر اسٹیڈیم میں کھیلا گیا۔ میچ میں سعودی کی جانب سے دونوں گول مران محمد نے کئے۔ بھارت کی طرف سے ایک بھی گول نہ ہو سکا۔
پہلے ہاف میں ٹیمیں 0-0 سے برابر تھیں
میچ کے پہلے ہاف کے بعد دونوں ٹیمیں 0-0 گول سے برابر تھیں۔ پہلے ہاف میں سعودی ٹیم نے کئی مواقع پر گول کرنے کی کوشش کی لیکن ہندوستان کے مضبوط دفاع کے سامنے وہ ناکام رہے۔ اس سے قبل ایشین گیمز میں ہندوستان نے جاپان کے خلاف راؤنڈ آف 16 کا میچ کھیلا تھا جس میں ہندوستان کو 0-5 سے شکست کا سامنا کرنا پڑا تھا۔ آج کے میچ کی بات کریں تو پہلے ہاف کے بعد سعودی ٹیم زیادہ جارحانہ نظر آئی۔
مزید پڑھیں:
ایشین گیمز میں مالدیپ نے منگولیا کو نو وکٹوں سے شکست دی
عمران خاں کا پیغام، بہادر لوگ آگے آکر پارٹی کو لیڈ کریں: وکیل
51ویں منٹ پر سعودی عرب کے ماران محمد نے ہیڈر کے ذریعے ٹیم کی جانب سے پہلا گول کیا۔ محمد ابو الشمت نے اس گول میں ماران کی بھرپور مدد کی۔ اس کے کچھ ہی دیر بعد یعنی 57ویں منٹ پر دوسرا گول سعودی نے کیا۔ اس بار بھی مارن نے اپنی ٹیم کے لیے گول کیا۔ مارن کے ان دو گولوں سے سعودی نے 2-0 کی برتری حاصل کی جسے ٹیم انڈیا پیچھے نہیں چھوڑ سکی۔ اس طرح بھارت میچ ہار گیا۔
