امروہہ: بھارتی ٹیم کے تیز گیندباز محمد شامی کے گاؤں کی قسمت بدلنے والی ہے۔ ایک طرف یوپی حکومت نے ان کے گاؤں میں منی اسٹیڈیم بنانے کا اعلان کیا ہے۔ جنہوں نے کرکٹ ورلڈ کپ میں اپنی گیند بازی سے بھارت کو مسلسل فتح سے ہمکنار کیا ہے۔ سیمی فائنل میں نیوزی لینڈ کے خلاف 7 وکٹیں لے کر ہیرو بننے والے شامی کے اعزاز میں یوگی حکومت ان کے گاؤں سہس پور علی نگر میں ایک اسٹیڈیم بنائے گی۔ وہیں، دوسری طرف اب راشٹریہ لوک دل (RLD) نے بھی ایسا ہی اعلان کیا ہے۔ آر ایل ڈی نے شامی کے گاؤں سہس پور علی نگر میں کھیلوں کی سہولیات تیار کرنے کا اعلان کیا ہے۔ آر ایل ڈی کے قومی صدر جینت چودھری نے کہا ہے کہ وہ اپنے ایم پی ایل اے فنڈ سے محمد شامی کے گاؤں سہس پور علی نگر میں کھیلوں کی سہولیات کو بڑھانے اور بنیادی ڈھانچے کو مضبوط کرنے کے لیے کام کریں گے۔
राष्ट्रीय अध्यक्ष चौधरी जयन्त सिंह जी ने अपनी MPLAD निधि में से मोहम्मद शमी के गाँव साहसपुर में खेल सुविधाओं को बढ़ाने, इंफ्रास्ट्रक्चर को मजबूत करने हेतु सराहनीय निर्णय लिया है।
खेल सुविधाओं को बढ़ाने के प्रति चौधरी साहब निरंतर प्रयासरत हैं व अग्रसर भी हैं। उनके इस निर्णय से… pic.twitter.com/HwATLitiP2
— Rashtriya Lok Dal (@RLDparty) November 17, 2023
اس بار محمد شامی کو کرکٹ ورلڈ کپ 2023 کے پہلے چار میچوں سے دور رکھا گیا۔ ہاردک کے زخمی ہونے کے بعد شامی کو ٹیم میں شامل کیا گیا تھا۔ شامی نے ورلڈ کپ میں اپنی شاندار کارکردگی سے تاریخ رقم کی ہے۔ اس نے چھ میچ کھیلے اور 5.01 کی اکانومی سے 23 وکٹیں حاصل کیں۔ شامی نے نیوزی لینڈ کے خلاف شاندار بولنگ کرتے ہوئے 57 رنز کے عوض 7 وکٹیں لے کر اسٹورٹ بنی کا ریکارڈ توڑ دیا۔ اس کے ساتھ ہی شامی کسی بھی ورلڈ کپ میں سب سے زیادہ وکٹیں لینے والے کھلاڑی بن گئے ہیں۔ انہوں نے ظہیر خان کا ریکارڈ بھی توڑ دیا۔ ظہیر نے 2011 کے ورلڈ کپ میں 21 وکٹیں حاصل کی تھیں۔ جبکہ شامی نے 23 وکٹیں حاصل کی ہیں۔
اپنی جان لیوا گیند بازی سے ورلڈ کپ کے کئی میچوں میں ٹیم انڈیا کو فتح دلانے والے محمد شامی کو یوگی حکومت نے تحفہ دیا ہے۔ حکومت نے شامی کے گاؤں سہس پور علی نگر میں اسٹیڈیم بنانے کی ہدایات دی ہیں۔ جس کے بعد ڈی ایم راجیش تیاگی کی ہدایت پر چیف ڈیولپمنٹ آفیسر امروہہ اپنی ٹیم کے ساتھ جمعہ کو شامی کے گاؤں پہنچے اور اسٹیڈیم کے لیے زمین کی تلاش شروع کی۔
مزید پڑھیں: کرکٹ ورلڈ کپ فائنل میں فاتح ٹیم کو کتنی رقم ملے گی؟
ڈی ایم راجیش تیاگی نے بتایا کہ محمد شامی کے گاؤں میں بننے والے اسٹیڈیم کے لیے ایک ہیکٹر زمین درکار ہے۔ چیف ڈیولپمنٹ آفیسر اپنی ٹیم کے ساتھ زمین دیکھنے گئے تھے۔ انہوں نے اسٹیڈیم کی تجویز تیار کرکے حکومت کو بھیج دی ہے۔
