نئی دہلی،(یو این آئی): گزشتہ سال کی طرح اس سال بھی دیوالی کے موقع پر دہلی میں پٹاخوں پر پابندی عائد کی گئی ہے۔ دہلی کے وزیراعلیٰ اروند کجریوال نے آج ٹویٹ کیا کہ گزشتہ تین برسوں سے دیوالی کے دوران دہلی کی آلودگی کی خطرناک حالت کے پیش نظر سالہائے گزشتہ کی طرح اس سال بھی ہر قسم کے پٹاخوں کے ذخیرہ،فروخت اور استعمال پر مکمل پابندی عائد کی جا رہی ہے جس سے لوگوں کی زندگیاں بچائی جا سکے۔
पिछले 3 साल से दीवाली के समय दिल्ली के प्रदूषण की खतरनाक स्तिथि को देखते हुए पिछले साल की तरह इस बार भी हर प्रकार के पटाखों के भंडारण, बिक्री एवं उपयोग पर पूर्ण प्रतिबंध लगाया जा रहा है। जिससे लोगों की जिंदगी बचाई जा सके।
— Arvind Kejriwal (@ArvindKejriwal) September 15, 2021
نہوں نے کہا کہ گزشتہ سال تاجروں کی جانب سے پٹاخوں کی ذخیرہ اندوزی کے بعد آلودگی کی سنگینی کے پیش نظر مکمل پابندی تاخیر سے لگائی گئی تھی جس سے تاجروں کو نقصان ہوا۔ تمام تاجروں سے اپیل ہے کہ اس بار مکمل پابندی کے پیش نظر پٹاخوں کی اسٹوریج نہ کریں۔دہلی کے وزیر ماحولیات گوپال رائے نے کل کہا تھا کہ ریاستی حکومت نے مختلف متعلقہ محکموں سے کہا ہے کہ وہ 21 ستمبر تک اپنے ایکشن پلان تیار کریں اور اسی بنیاد پر یہاں کی فضائی آلودگی سے نمٹنے کے لئے سرمائی ایکشن پلان تیار کیا جائے گا۔
