حیدرآباد: تلگو ٹی وی اداکارہ شراونی کی لاش حیدرآباسد کے مدھورانگر میں واقع ان کے فلیٹ میں لٹکتی ہوئی پائی گئی۔یہ واقعہ کل شب ایس آرنگر
پولیس اسٹیشن کے حدود میں پیش آیا۔پولیس کے مطابق شراونی جو اے پی کے ضلع مغربی گوداوری کی رہنے والی ہے، نے ماضی میں کئی تلگو ٹی وی
سیرئیلس میں کام کیا تھا اور وہ موجودہ طورپردو اورسیرئیلس میں کام کررہی تھی۔منگل کی شب وہ اپنے فلیٹ کے کمرہ میں لٹکتی ہوئی پائی گئی۔اس کے
ارکان خاندان نے اس کو فوری طورپر اسپتال منتقل کیا تاہم ڈاکٹروں نے اس کومردہ قراردیا۔اطلاع ملتے ہی پولیس وہاں پہنچی جس نے لاش کو پوسٹ مارٹم
کے لئے عثمانیہ اسپتال کے مردہ خانہ منتقل کردیا۔اداکارہ کے والدین نے الزام لگایا کہ اس کو دیوراجو نامی شخص نے ہراساں کیا جس نے چند ماہ
پہلے ٹک ٹاک کے ذریعہ اداکارہ سے ملاقات کی تھی۔پولیس نے بتایا کہ اس شخص نے اداکارہ کو ہراساں کرنا شروع کیا۔منگل کی شب اداکارہ نے یہ
انتہائی اقدام کیا۔
