اسلام آباد: (یو این آئی) ہزاروں اساتذہ نے جمعرات کو پارلیمنٹ ہاؤس کے باہر احتجاج کیا اور حکومت کے سرکاری اسکولوں کو میٹروپولیٹن کارپوریشن آف اسلام آباد (ایم سی آئی) کے تحت کرنے کے فیصلے کو واپس لینے کا مطالبہ کیا۔ ڈان اخبار نے جمعہ کو یہ اطلاع دی۔ تقریباً 390 اسکولوں کے اساتذہ اور غیر تدریسی عملہ نیشنل پریس کلب کے سامنے جمع ہوئے
وفاقی دارالحکومت اسلام آباد کے سرکاری تعلیمی اداروں کے ہزاروں اساتذہ اور طالب علموں نے تمام رکاوٹیں عبور کرکے پارلیمنٹ کی طرف پیش قدمی شروع کی۔حکومت کی جانب سے تعلیمی اداروں کو میئر اسلام آباد کے زیر انتظام لانے پر اسلام آباد بھر میں مظاہرے pic.twitter.com/gyCDADiFdC
— Abdullah Momand (@AbdullahMomandJ) December 2, 2021
اور پھر سب پارلیمنٹ ہاؤس کے لیے روانہ ہو گئے۔ اگرچہ پولیس نے انہیں ڈی چوک پر روکا لیکن وہ کسی طرح احتجاج کرنے والے ٹیچر کانسٹی ٹیوشن ایونیو تک پہنچنے میں کامیاب ہوگئے۔ اس دوران مظاہرین نے پرامن احتجاج کیا۔ مظاہرین کا کہنا تھا کہ اسکول فی الحال بند رہیں گے اور اگلے ہفتے طلباء اور ان کے والدین کے ساتھ دھرنا دیں گے۔
