فرید آباد(ایجنسیاں)
ایک طرف ضلع میں کورونا انفیکشن کے کیس بڑھ رہے ہیں۔ دوسری طرف آدھارکارڈ سینٹروں پر بھیڑ بڑھ رہی ہے۔ یہاں سوشل ڈسٹنسنگ کے قانون کی بھی پاسداری نہیں کی جارہی ہے۔ اب اسکول کے طلبا اپنے آدھار کارڈ میں فوٹو اپ ڈیٹ کرانے کے لئے آدھار کارڈ مراکز پرپہنچنا شروع کردیئے ہیں۔ پیر کے روز طلبا کی ایک بڑی تعداد منی سکریٹریٹ کے آدھار کارڈ سینٹر پر پہنچے۔ ان سب کو اسکول آپریٹرز نے آدھار کارڈ پر فوٹو کو اپ ڈیٹ کرنے کے لئے کہا ہے۔
واضح رہے کہ ہریانہ اسکول ایجوکیشن بورڈ نے جماعت ہشتم، دسویں اور بارہویں جماعت کے طلباء کے لئے لازمی قرار دیا ہے کہ وہ امتحان فارم کو بھرتے ہوئے ساتھ والے آدھار کارڈ پر تصویر کو اپ ڈیٹ کریں۔ اس حکم کے بعد اسکول آپریٹرز طلباء سے بھی اپنی سطح پر فوٹو اپ ڈیٹ کرنے کے لئے کہہ رہے ہیں۔ صبح کے آٹھ بجے سے لائن میں کھڑی نشا، انجلی، پریا، شیوانی، کلاس 10 کی طالبہ، نانگلہ انکلیو کے رہائشی ہیں انہوں نے نے بتایا کہ دوپہر ایک بجے تک ان کا نمبر نہیں آیا ہے۔سخت گرمی کے ساتھ ساتھ بھوک اور پیاس کے ساتھ حالت بدتر ہوتی جارہی ہے۔ سرائے خواجہ کے نجی اسکول میں کلاس 10 میں تعلیم حاصل کرنے والی طالبہ آشا، انیشا اور نیتو نے بتایا کہ اسکول آپریٹر نے انہیں آدھار کارڈ پر تصویر اپ ڈیٹ کرنے کے لئے یہاں بھیجا ہے۔ اتنی لمبی لائن ہے، اسے دیکھ کر، شام تک نمبر نہیں آئے گا۔ آپریٹرز کو اسکولوں میں آدھار کارڈ پر طلبا کی تصویر کو اپ ڈیٹ کرنے کے لئے بھیجا جانا چاہئے۔ اگر سارے طلبا آدھار کارڈ سینٹر میں آنا شروع کردیں تو افراتفری پھیلے گی۔ پہلے ہی بہت سارے لوگ آدھار کارڈ مراکز پر پہنچ رہے ہیں۔ اس سے کورونا انفیکشن بڑھ جائے گا۔ تمام اسکول آپریٹرز کو ڈسٹرکٹ ایجوکیشن آفیسر ستیندر کور سے بات کرکے اس سے آگاہ کیا جائے گا۔
