تتوکوڈی: تمل ناڈو کے محکمہ کرائم برانچ (سی بی۔سی آئی ڈی) نےحراست میں باپ۔بیٹے کی موت کے معاملے مں استھانکلم تھانے کے معطل کانسٹبل موتوراج کو گرفتار
کرلیا ہے۔پولس نے سنیچرکویہاں بتایا کہ ویلتھی کلم کے ڈپٹی پولس سپرنٹنڈنٹ بیرمحی الدین کی رہنمائی میں خصوصی ٹیم نے پسارورگاؤں سے اپنےگھرمیں چھپے
ہوئے موتھوراج کو کل دیررات گرفتارکرلیا۔موتھوراج اس معاملے میں ’مطلوب‘ملزم تھا۔
سی بی۔ سی آئی ڈی دفتر کےسینئر افسران نے موتھوراج سے ابتدائی پوچھ تاچھ کرنے کے بعد اسے جیوڈیشیل مجسٹرییٹ کے سامنے پیش کیا اوروہاں اسے 17 جولائی
تک جیوڈیشیل حراست میں بھیج دیا گیا ہے۔اس کے ساتھ ہی اب تک استھان کلم کے مجموعی طورسے پانچ معطل پولس اہلکاروں،انسپکٹر شری دھر،دو سب انسپکٹررگھو
گنیش اوربالاکرشنن اوردوکانسٹبل موروگن اور موتھوراج کو اس معاملے میں گرفتارکیاجاچکا ہے۔
ذرائع کے مطابق جانچ ایجنسی اورگرفتاریاں کرسکتی ہیں۔
موتھوراج گرفتاری سے بچنے کے لئے فرارہوگیا تھا۔ سی بی۔ سی آئی ڈی پولس نے اس کے خلاف قتل کی کوشش،ثبوت مٹانےاورغلط اطلاع فراہم کرنے کا معاملہ درج
کیا ہے۔اس دوران سی بی۔ سی آئی ڈی نے بتایا ہے کہ ملزموں سے تفصیلی پوچھ تاچھ کےلئے پولس حراست میں لینے کےمطالبے کے سلسلے میں ضلع عدالت میں ایک
عذرداری داخل کی گئی ہے۔
