سیم کرن آئی پی ایل کے سب سے مہنگے کھلاڑی بن گئے

کوچی(ایجنسیاں)
انگلینڈ کے آل راؤنڈر سیم کرن انڈین پریمیئر لیگ (آئی پی ایل) کی نیلامی کی تاریخ میں فروخت ہونے والے سب سے مہنگے کھلاڑی بن گئے ہیں۔ 24 سالہ کرن کو کوچی میں جاری آئی پی ایل منی نیلامی میں پنجاب کنگز نے 18.50 کروڑ روپے میں خریدا۔ان کے علاوہ آج دوسرے مہنگے کھلاڑی میں آسٹریلیا کے کیمرون گرین کو ممبئی انڈینز نے 17.50 کروڑ میں خریدا۔جبکہ انگلینڈ کی ٹیسٹ ٹیم کے کپتان بین اسٹوکس کو 16.25 کروڑ روپے ملے۔ انہیں چنئی سپر کنگز نے خریدا۔ جیسن ہولڈر کو راجستھان رائلز نے 5.75 کروڑ روپے میں خریدا۔سن رائزرس حیدرآباد نے انگلینڈ کے بلے باز ہیری بروک کو 2023 انڈین پریمیئر لیگ (آئی پی ایل) سیزن کی نیلامی میں 13.25 کروڑ روپے میں خرید لیا۔ بروک کے علاوہ مینک اگروال کو بھی حیدرآباد نے چنئی سے 8.25 کروڑ میں خریدا تھا۔ نیوزی لینڈ کے کین ولیمسن کو گجرات ٹائٹنز نے ان کی بنیادی قیمت 2 کروڑ روپے میں خریدا جبکہ اجنکیا رہانے کو چنئی سپر کنگز نے 50 لاکھ روپے میں جوائن کیا۔
نیلامی میں کل 405 کھلاڑی حصہ لے رہے ہیں۔ ان میں سے 273 ہندوستانی کھلاڑی ہیں۔جمعہ کی دوپہر ڈھائی بجے شروع ہونے والی منی نیلامی میں 87 کھلاڑی خریدے جائیں گے۔ اب تک صرف 37 کھلاڑی ہی خریدے جا سکے ہیں۔ ان میں سے 18 غیر ملکی ہیں۔ آئی پی ایل فرنچائزز نے 206.5 کروڑ روپے میں سے 139.90 کروڑ روپے خرچ کیے ہیں۔ اس وقت فرنچائزز کے پاس 66.6 کروڑ کی رقم باقی ہے۔
سیم کرن آئی پی ایل کی نیلامی کی تاریخ کے مہنگے ترین کھلاڑی بن گئے ہیں۔ اس سے قبل مہنگے ترین کھلاڑی کا ریکارڈ جنوبی افریقہ کے کرس مورس کے نام تھا۔ انہیں 16.25 کروڑ روپے ملے تھے۔ تاہم، کرن آئی پی ایل کی تاریخ میں سب سے زیادہ معاوضہ لینے والے کھلاڑی نہیں ہیں۔ویسٹ انڈیز کے نکولس پوران وکٹ کیپر کے طور پر اب تک سب سے مہنگے بکنے والے ہیں۔ انہیں لکھنؤ سپر جائنٹس نے 16 کروڑ میں خریدا۔ اس سے پہلے سب سے زیادہ معاوضہ لینے والے وکٹ کیپر ممبئی کے ایشان کشن (15.25 کروڑ) تھے۔ بولنگ آل راؤنڈرز کو سب سے زیادہ بولی لگی۔
ان کیپڈ کھلاڑیوں کی نیلامی میں جموں و کشمیر کے ویورنت شرما پر لگنے والی بولی نے سب کو حیران کر دیا۔ لیفٹ آرم اسپن بولنگ کے ساتھ بلے بازی کرنے کے قابل، ویورنت کو سن رائزرس نے 2.6 کروڑ روپے میں خریدا۔ غیر کیپڈ فاسٹ بولر شیوم ماوی کو بھی ٹائٹنز نے 6 کروڑ میں خریدا۔ ان کے علاوہ بنگال کے تیز گیند باز مکیش کمار کو دہلی نے 5.50 کروڑ میں خریدا۔ ٹی ٹوئنٹی ورلڈ کپ میں نیوزی لینڈ کے خلاف ہیٹ ٹرک لینے والے بائیں ہاتھ کے تیز گیند باز جوش لٹل کو بھی بڑی بولی لگ گئی۔ انہیں گجرات ٹائٹنز نے 4.40 کروڑ میں خریدا۔ وہ پہلی بار آئی پی ایل کی نیلامی میں شامل تھے۔
جیسا کہ توقع تھی، تیز گیند باز آل راؤنڈرز کی منی نیلامی میں بہت زیادہ مانگ تھی۔ ان آل راؤنڈرز نے 30 منٹ میں 59 کروڑ روپے جمع کر لیے۔
بین اسٹوکس، کیمرون گرین اور سیم کرن جیسے سرفہرست انگلش اور آسٹریلوی کھلاڑی آئی پی ایل 2023 کے پورے سیزن کے لیے دستیاب ہوں گے۔ آئی پی ایل ٹیموں کو بھیجے گئے خط میں بی سی سی آئی نے کہا کہ انگلینڈ اور آسٹریلیا کے کرکٹ بورڈز نے آئی پی ایل کے پورے سیزن کے لیے اپنے کھلاڑیوں کی دستیابی کی تصدیق کر دی ہے۔
آسٹریلیا کے ایڈم زمپا، جنوبی افریقہ کے تبریز شمسی، افغانستان کے مجیب الرحمان اور ویسٹ انڈیز کے عقیل حسین کو کوئی خریدار نہیں ملا۔ ان کے علاوہ انگلینڈ کے کرس جارڈن اور نیوزی لینڈ کے ایڈم ملنے بھی فروخت نہیں ہوئے۔ بنگلہ دیش کے لٹن داس، سری لنکا کے کوسل مینڈس اور انگلینڈ کے ٹام بینٹن بھی وکٹ کیپر میں فروخت نہ ہونے کے برابر رہے۔ان کے علاوہ انگلینڈ کے جو روٹ اور جنوبی افریقہ کے دھماکہ خیز بلے باز ریلی روسو کو نیلامی میں کوئی خریدار نہیں ملا۔ روٹ کی بنیادی قیمت 1 کروڑ روپے اور روسو کی بنیادی قیمت 2 کروڑ روپے تھی۔ روٹ پہلی بار نیلامی میں شامل تھے۔ بنگلہ دیش کے آل راؤنڈر شکیب الحسن کو کسی نے نہیں خریدا۔ وہ 2021 میں حیدرآباد کی ٹیم میں تھے۔
بی سی سی آئی نے کہا ہے کہ نیلامی میں شامل 5 ہندوستانی باؤلرز پر ان کے مشکوک ایکشن کی وجہ سے پابندی لگ سکتی ہے۔ جس میں ممبئی کے اسپنر تنوش، کیرالہ کے روہن، ودربھ کے اپوروا وانکھیڑے، گجرات کے چراغ گاندھی اور مہاراشٹر کے رام کرشنن گھوش شامل ہیں۔
لیگ اسپنر امیت مشرا کو لکھنؤ سپر جائنٹس نے ان کی بنیادی قیمت 50 لاکھ روپے میں خریدا۔ 40 سالہ امیت اس نیلامی میں سب سے معمر کھلاڑی تھے۔کولکاتا نائٹ رائیڈرز نے نمیبیا کے آل راؤنڈر ڈیوڈ ویس کو ان کی بنیادی قیمت ایک کروڑ روپے میں خریدا۔کلونت کھجرولیا کو کولکاتا نائٹ رائیڈرز نے ان کی بیس لاکھ روپے کی قیمت پر خریدا۔ہرپریت بھاٹیہ کو پنجاب کنگز نے 40 لاکھ روپے میں خریدا۔ اس کی بنیادی قیمت 20 لاکھ روپے تھی۔منوج بھنڈگے کو رائل چیلنجرز بنگلور نے 20 لاکھ روپے میں خریدا۔میانک ڈگر کو سن رائزرس حیدرآباد نے 1.80 کروڑ میں خریدا۔مارکو جانسن کے بھائی ڈیوانے جانسن کو ممبئی انڈینز نے 20 لاکھ روپے میں خریدا۔
سیم کرن کی بات کریں تو وہ انگلینڈ کے لیے 35 ٹی ٹوئنٹی میچ کھیل چکے ہیں۔ اس دوران کرن نے 158 رنز بنائے۔ اس کی اوسط 12.15 ہے اور اس کا اسٹرائیک ریٹ 130.58 ہے۔ اسٹوکس نے 41 وکٹیں اپنے نام کر رکھی ہیں۔ انہیں آسٹریلیا میں ٹی ٹوئنٹی ورلڈ کپ میں سیریز کا بہترین کھلاڑی قرار دیا گیا۔ اس کے علاوہ وہ فائنل میں میچ کے بہترین کھلاڑی بھی بنے۔سیم کرن نے آئی پی ایل میں 32 میچ کھیلے ہیں۔ انہوں نے 22.47 کی اوسط سے 337 رنز بنائے ہیں۔ کرن کی اوسط 22.47 ہے اور اس کا اسٹرائیک ریٹ 149.78 ہے۔ انہوں نے باؤلنگ میں بھی کمال دکھایا ہے۔ کرن نے آئی پی ایل میں 32 وکٹیں حاصل کی ہیں۔ 11 رنز کے عوض چار وکٹیں ان کی بہترین کارکردگی رہی ہے۔