کیف کے قریب قصبہ پر روسی بمباری سے 6 افراد ہلاک

0

کیف:(یواین آئی) یوکرین کے دارالحکومت کیف کے قریبی قصبہ پر روسی فوج کی بمباری سے 6 افراد ہلاک ہو گئے۔ غیر ملکی خبر رساں ایجنسی کے مطابق روسی فوج نے یوکرین کے دارالحکومت کیف کا محاصرہ کر رکھا ہے جبکہ روس نے یوکرین کے شہر ماریو پول پر دوبارہ حملے بھی شروع کر دیئے ہیں۔ ماریو پول انتظامیہ کا کہنا ہے کہ شہر میں روسی بمباری کا سلسلہ جاری ہے جس کے باعث لوگوں کا انخلا ملتوی کر دیا گیا ہے۔
میڈیا رپورٹس کے مطابق یوکرین کے صدر ولادویمیر زیلینسکی پولینڈ کی سرحد کے قریب منتقل ہو گئے ہیں۔ خیال رہے کہ روس نے 24 فروری کو یوکرین پر حملوں کا آغاز کیا تھا اور روس کی جانب سے یوکرین کے مختلف شہروں پر قبضہ بھی کیا جا چکا ہے۔

سوشل میڈیا پر ہمارے ساتھ جڑنے کے لیے یہاں کلک کریں۔ Click 👉 https://bit.ly/followRRS