جے پور: راجستھان سے انسانیت کو شرمسار کر دینے والا واقعہ معاملہ سامنے آیا ہے۔ یہاں راجستھان پولیس میں تعینات ایک سب انسپکٹر نے پہلے چار سالہ بچی کو لالچ دے کر اپنے کمرے میں بلایا اور بعد میں اس کی عصمت دری کی۔ یہ واقعہ راجستھان کے دوسہ میں پیش آیا۔ واقعہ کے بارے میں اے ایس پی بجرنگ سنگھ نے بتایا کہ یہ واقعہ لال سوت علاقہ میں پیش آیا۔ تفتیش میں یہ بات سامنے آئی ہے کہ ملزم سب انسپکٹر جس کی شناخت بھوپیندر سنگھ کے نام سے ہوئی ہے، نے پہلے چار سالہ بچی کو دوپہر کے وقت اپنے کمرے میں لے جا کر اس کی عصمت دری کی۔ واقعہ کی اطلاع ملنے کے بعد ملزم کو گرفتار کرکے پوچھ گچھ کی جارہی ہے۔
اے ایس پی سنگھ نے بتایا کہ پاس رہنے والے ایک کنبہ کی شکایت پر راہواس پولیس اسٹیشن میں بھوپیندر نامی ایس آئی کے خلاف مقدمہ درج کیا گیا ہے۔ متاثرہ کے اہل خانہ نے ملزم سب انسپکٹر پر زیادتی کا الزام لگایا ہے۔ نابالغ لڑکی کا طبی معائنہ کیا جا رہا ہے۔ ملزم الیکشن ڈیوٹی پر تھا جب اس نے یہ واردات کی۔ پولیس نے فی الحال ملزم کو گرفتار کر لیا ہے۔
लालसोट में 7 साल की दलित बच्ची के साथ पुलिसकर्मी द्वारा दुष्कर्म की घटना से लोगों में भारी आक्रोश है। मासूम को न्याय दिलाने के लिए मौके पर पहुंच गया हूं। अशोक गहलोत सरकार के नाकारापन से निरंकुश हुई पुलिस चुनाव जैसे संवेदनशील मौके पर भी ज्यादती करने से बाज नहीं आ रही। pic.twitter.com/xnIB13eyWi
— Dr.Kirodi Lal Meena (@DrKirodilalBJP) November 10, 2023
دوسہ ایس پی وندیتا رانا نے کہا کہ لڑکی کی صحیح عمر کا تعین طبی معائنے کے بعد اور متاثرہ کے اہل خانہ کی رپورٹوں کی بنیاد پر کیا جائے گا۔ انہوں نے بتایا کہ بچی کی عمر چار سے پانچ سال کے لگ بھگ ہے۔ اس واقعہ کے منظر عام پر آنے کے بعد علاقہ مکینوں نے بڑی تعداد میں تھانہ راہواس کا گھیراؤ کیا اور پولیس کے خلاف نعرے بازی بھی کی۔ اس واقعہ کے بعد گاؤں والوں نے تھانے کے باہر زبردست احتجاج کیا۔ موصولہ اطلاع کے مطابق احتجاج کرنے والے گاؤں والوں نے ملزم سب انسپکٹر کی پٹائی بھی کی۔
جائے وقوعہ پر پہنچے بی جے پی رکن پارلیمیان کیروڑی لال مینا نے کہا کہ لال سوٹ میں ایک پولیس اہلکار کے ذریعہ سات سالہ دلت لڑکی کی عصمت دری کے واقعہ پر لوگوں میں کافی غصہ ہے۔ میں موقع پر پہنچ گیا ہوں۔ معصوم بچی کو انصاف چاہیے۔
مزید پڑھیں: انتخابی مہم کے دوران بی جے پی رہنما پر حملہ، مدرسے میں پہنچ کر بچائی جان
انہوں نے مزید کہا کہ اشوک گہلوت حکومت کی نااہلی کی وجہ سے خود مختار بن چکی پولیس الیکشن جیسے حساس موقع پر بھی ظلم کرنے سے باز نہیں آرہی ہے۔
