چنڈی گڑھ : ہریانہ کانگریس کی صدر کماری شیلجا نے آج ریاست کی بی جے پی – جے جے پی حکومت کو رکشا بندھن پرروڈ ویزبسوں میں خواتین کو مفت سفری سہولت فراہم نہ کرنے اوراضافی بسیں چلانے کے لئے مذمت کی ہے۔
کماری شیلجا نے یہاں جاری ایک بیان میں کہا ہے کہ بی جے پی-جے جے پی حکومت نے کچھ دن پہلے ہی روڈ ویز بسوں کا کرایہ بڑھایا تھا،جس سے کورونا کی وبا
کے درمیان ریاست کے عوام بڑا جھٹکا لگا تھا ۔
اس کے بعد،اب حکومت نے فیصلہ کیا ہے کہ کورونا وبا کی آڑ کے تحت،اس باررکشا بندھن کے تہوار کے موقع پرخواتین کوروڈ ویز بسوں میں مفت سفر فراہم نہیں کیا جائے گا۔ انہوں نے اس پر حیرت کا بھی اظہار کیا کہ حکومت رکشا بدھن پر روڈ ویز بسوں کی تعداد میں اضافہ نہیں کررہی ہے۔
کانگریس رہنما نے کہا کہ رکشا بندھن پرخواتین کے لئے مفت سفر کی سہولت کانگریس حکومت نے 14 سال قبل شروع کی تھی۔ انہوں نے کہا کہ کورونا کی وبا کی
وجہ سے،روڈ ویزبسیں پہلے ہی بہت کم تعداد میں چل رہی ہیں۔ ایسی صورتحال میں،رکشا بندھن کے موقع پرہونے والی بھیڑ اورکورونا کے پیش نظر،حکومت کو
مناسب انتظامات کرنے اور بسوں کی تعداد میں اضافہ کرنا چاہئے تھا۔
انہوں نے مطالبہ کیا کہ حکومت اس فیصلے کو واپس لے اور رکشا بندھ ن پر روڈ ویزبسوں میں خواتین کے لئے مفت سفر فراہم کرے۔ اس کے ساتھ ہی اس دن بھی
صورتحال مزید خراب نہیں ہونی چاہئے ، تاکہ بسوں کی تعداد میں اضافہ کیا جاسکے تاکہ سماجی دوری کے ساتھ بسوں میں آرام سے سفر کیا جاسکے۔
