نئی دہلی : (یو این آئی) کانگریس کے سابق صدرراہل گاندھی نے پٹرول اورڈیزل کی قیمتوں میں تاریخی اضافے کے سلسلے میں سرکارپرطنز کرتے ہوئے بدھ کے روز کہا کہ پبلک ٹرانسپورٹ کے لئے جن مشکلات کا سامنا لوگوں کو کرنا پڑرہا ہے اس کی اصل وجہ کورونا وبا نہیں بلکہ ایندھن کی قیمتوں میں کیا گیا غیر معمولی اضافہ ہے۔
راہل گاندھی نے ٹویٹ کیا ’’پبلک ٹرانسپورٹ کے لئے طویل تکلیف دہ لائینوں کی وجہ صرف کووڈ پابندیاں نہیں ہیں۔ اصل وجہ جاننے کے لئے اپنے شہرمیں پٹرول اور ڈیزل کے ریٹ چیک کریں‘‘ ۔
واضح رہے کہ راہل گاندھی طویل عرصے سے پٹرول اور ڈیزل کی قیمتوں پر سرکار کو کٹہرے میں کھڑا کر رہے ہیں اور الزام عائد کر رہے ہیں کہ اس میں مودی سرکار نے لاکھوں کروڑوں روپے کمائے ہیں ۔ ان کا یہ بھی کہنا ہے کہ پٹرول اور ڈیزل پرعائد ایکسائز ڈیوٹی سے حاصل ہونے والی آمدنی کو عوام میں تقسیم کرنا چاہئے۔
