فلمی دنیا میں سلمان خان وہ اداکار ہیں جو اپنی حرکتوں اور بیانات کے سبب اکثر سرخیوں میں رہتے ہیں۔ بات یہی آکر نہیں رکتی بلکہ دوسروں کی جانب سے بھی ان کے تعلق سے مثبت اور منفی تاثرات آتے رہتے ہیں۔
سلمان خان کی بہت جلد ایک فلم آنے والی ہے۔ جس کا سلمان خان کے مداح کافی بے صبری سے انتظار کررہے ہیں۔’رادھے یور موسٹ وانٹڈ بھائی‘ عید کے موقع پر22مئی2020کو ریلیز ہونے والی ہے۔
سلمان خان کی فلم آنے سے قبل ہی موضوع گفتگو بنی ہوئی ہے۔
اس فلم میں سلمان خان کے ساتھ کام کرنے والی اداکارہ دشا پٹانی نے ان کی تعریف کی ہے۔ انہوں نے کہاکہ میں سلمان سر کے ساتھ فلم بھارت میں تھی اور اب اس فلم میں بھی ہوں، جوکہ میرے لیے کافی خوشی کی بات ہے۔
دشا پٹانی نے سلمان کے تعلق سے کہاکہ وہ بہت اچھے اور سخی انسان ہیں۔انہوں نے سلمان خان کو سانتا کلوز قرار دیا ہے کیوں کہ وہ اپنے مداحوں کے لیے خوشیاں لیکر آتے ہیں۔
