گروگرام (ایجنسی): گروگرام میں نماز کی ادائیگی کو لے کر احتجاج جاری ہے۔ گروگرام کے سیکٹر 37 میں نماز کے مقام پر مسلم کمیونٹی کے لوگ جمع تھے۔ وہاں کے لوگ نماز پڑھنا چاہتے تھے۔ اسی دوران کچھ لوگ وہاں پہنچ گئے اور احتجاج شروع کر دیا۔ بتایا جا رہا ہے کہ وہاں لوگوں نے جئے شری رام کے نعرے بھی لگائے۔ کچھ دیر تک افراتفری کا ماحول رہا۔ آس پاس کے دیہات کے لوگوں نے سیکٹر 37 تھانے کے باہر نماز پڑھنے کی جگہ پر قبضہ کر رکھا ہے۔ اس کھلی جگہ پر ٹرک کھڑے ہیں۔ مقامی لوگوں کا دعویٰ ہے کہ ان کے پاس ٹرک کو کہیں اور پارک کرنے کی جگہ نہیں ہے۔ پولیس کی بھاری نفری موقع پر موجود ہے۔ پولیس نے احتجاج کرنے والے کچھ لوگوں کو حراست میں بھی لیا ہے۔ پولیس صورتحال پر نظر رکھے ہوئے ہے۔ غور طلب ہے کہ ہریانہ کے گروگرام میں پہلے سے ہی ہندو تنظیمیں کھلے عام نماز کے خلاف احتجاج کر رہی ہیں۔
