اسلام آباد :(یو این آئی) صدر پاکستان ڈاکٹر عارف علوی نے 2023 کے اگلے عام انتخابات میں الیکٹرانک ووٹنگ مشین (ای وی ایم) کے ممکنہ غلط استعمال اور گڑبڑ کے بارے میں اپوزیشن پارٹیوں کے خدشات کو دور کرنے کی کوشش کی ہے۔ ڈان نے جمعہ کو اپنی رپورٹ میں کہا کہ عارف علوی نے جمعرات کو الیکشن (ترمیمی) بل 2021 پر دستخط کرنے کے بعد کہا کہ ای وی ایم کے بارے میں ڈرنے کی ضرورت نہیں ہے۔ انہوں نے یقین دلایا کہ اس سے آزادانہ اور منصفانہ انتخابات کے انعقاد میں مدد ملے گی اور ووٹوں کی دھاندلی کو بھی ختم کیا جائے گا جس سے منتخب حکومتوں کی ساکھ بڑھے گی۔ الیکشن (ترمیمی) بل 2021 پارلیمنٹ نے منظور کر لیا ہے اور یہ قانون عام انتخابات میں ای وی ایم کے استعمال کی سہولت فراہم کرتا ہے۔ یہ بل بیرون ملک مقیم پاکستانیوں کو بھی آئی ووٹنگ کے ذریعے ووٹ دینے کا حق دیتا ہے۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
