نئی دہلی: کورونا وائرس وبا کے خلاف ملک گیر جنگ کے دوران ٹھاکرے نے وزیر اعلی عہدے کو برقرار رکھنے کے لئے جو الیکشن کمیشن سے مطالبہ کیا تھا وہ انتخاب 21 مئی کو ہوگا۔ الیکشن کمیشن نے یہ فیصلہ جمعہ کے روز مہاراشٹر کے گورنر بھگت سنگھ کوشیاری اور ریاستی حکومت کی سفارش پر لیا۔ یہ اجلاس ویڈیو کانفرنسنگ کے ذریعے کیا گیا جس میں چیف الیکشن کمشنر سنیل اروڑا نے امریکہ سے شمولیت اختیار کی۔ کووڈ -19 کے باعث ملک بھر میں لاک ڈاؤن کے بعد یہ پہلا الیکشن ہے جس میں وائرس سے بچنے کے لئے ضروری احتیاطی پروٹوکول اور وزارت داخلہ کی منظوری دی گئی ہے۔ ادھوو ٹھاکرے نے گذشتہ سال 28 نومبر کو مہاراشٹر کے وزیر اعلی کی حیثیت سے حلف لیا تھا۔ وہ اس وقت نہ تو اسمبلی کے رکن ہیں اور نہ ہی اسمبلی کونسل کے ممبر ہیں، انہیں چیف منسٹر کے عہدے پر برقرار رکھنے کے لئے 28 مئی سے پہلے کسی بھی ایوان کا ممبر بننا ہوگا۔
