پرتاپ گڑھ : (یواین آئی ) پیس پارٹی ملک میں پسماندہ و اقلیتی طبقات کے آئینی حقوق کی بازیابی و فرقہ وارانہ ہم آہنگی کی بنیاد پر ملک کے بھائی چارہ کو مستحکم و مضبوط بنانے کے لئے روز اول سے ہی اپنے اصولوں پر کاربند ہے ،لیکن ملک و صوبے میں فرقہ پرست پارٹی ملک کے بنیادی ڈھانچہ کو کمزور کرنے کی سازش پر تلی ہوئی ہے اور جمہوری اقدار کو کمزور کرنے کے لئے نت نئے طریقے اپنا رہی ہے ۔ پیس پارٹی سماجک پریورتن سنیکت مورچہ کے ساتھ محروم و اقلیتی طبقات کو انصاف دلانے و جمہوریت و آئین کو بچانے کے لئے انتخابی میدان میں ہے۔ پیس پارٹی کے قومی نائب صدر ڈاکٹر عبدالرشید انصاری نے میڈیا کو جاری ریلیز میں مذکورہ تاثرات کا اظہار کیا۔ ڈاکٹر انصاری نے کہا کہ پیس پارٹی نے سنیکت مورچہ کے ساتھ مل کر صوبے کے سبھی سیٹوں پر اپنے امیدوار اتارا ہے ۔ مورچہ کو عوام کی ہر مقام پر حمایت مل رہی ہے ،لہذا سیکولر ، محروم و اقلیتی طبقات کو چاہیے کہ وہ جمہوریت و آئین کے تحفظ کو یقینی بنانے کے لئے سنیکت مورچہ کے امیدواروں کی حمایت کرکے انصاف و ترقی کی راہ ہموار کریں ۔بی جے پی حکومت کی عوام مخالف پالیسیوں کے سبب منہگائی و بے روزگاری عروج پے ۔عام شخص پریشان ہے ۔ بی جے پی اب انتخابات میں اپنی کھسکتی زمین کو دیکھ کو بوکھلا گئی ہے ،وہ فرقہ وارانہ کارڈ کھیل کر اکثریت کے مذہبی جذبات کو بھڑکا رہی تاکہ جذبات میں آکر اکثریت ان کی حمایت کر دے ،لیکن عوام بی بے پی اقتدار سے اتنی پریشان عاجز آچکی ہے کہ کوئ بات سننے کے لئے تیار نہیں ہے ۔ادھر مبینہ سیکولر پارٹیایوں کے حالات یہ ہیں کہ وہ بی جے پی سے اس قدر دہشت زدہ ہیں کہ جس کے سہارے وہ اقتدار میں آنے کا خواب دیکھ رہی ہیں ، اسی اقلیتی طبقات خصوصی طور سے مسلمانوں کا نام لینا پسند نہیں کر رہی ہیں ،انہیں خوف ہے کہ اگر انہوں نے مسلمانوں کا نام لے لیا تو اکثریتی ووٹ ان سے ناراض ہو جائے گا ۔جبکہ حقیقت یہ ہے کہ اکثریت بھی منہگائی و بے روزگاری سے پریشان ہے ،اس کو ایسا اقتدار چاہیے جو صوبے میں روزگار کے موقع فراہم کرے اور منہگائی پر کنٹرول کر سکے ،ایسا اقتدار صرف سنیکت مورچہ ہی دے سکتی ہے ۔انہوں نے عوام کو متنبہ کیا کہ وہ صوبے سے بھوک ،بدعنوانی و بے روزگاری و منہگائی کے خاتمہ کے لئے سماجک پریورتن سنیکت مورچہ کے امیدواروں کی حمایت کر کے اپنی راہ خود ہموار کریں۔
