افغانستان کے مدرسے میں دھماکہ، جانیں مرنے والوں کی تعداد

کابل،(یو این آئی/اسپوتنک):افغانستان کے مشرقی صوبے خوست میں ایک مدرسے میں دھماکے میں مرنے والوں کی تعداد سات ہو گئی ہے۔ذرائع نے یہ اطلاع جمعرات کو دی۔ انہوں نے کہا کہ اس واقعے میں 15 سے زائد افراد زخمی بھی ہوئے ہیں۔ وزارت داخلہ نے بتایا کہ مدرسے میں ایک دستی بم پھٹا تھا۔اتوار کو کابل میں عیدگاہ مسجد کے قریب ایک اور دھماکہ ہوا۔ طالبان کے ایک ذرائع نے بتایا کہ دھماکے میں 12 افراد ہلاک جبکہ 32 دیگر زخمی ہوئے۔ عبوری حکومت کے ترجمان کے مطابق اس حملے کے سلسلے میں تین افراد کو گرفتار کیا گیا ہے۔ دہشت گرد تنظیم اسلامک اسٹیٹ نے دھماکے کی ذمہ داری قبول کی ہے۔