نئی دہلی (ایس این بی) : وزیر اعلی اروند کجریوال نے جمعہ کو اپنے سب سے قریبی راجیہ سبھا ممبر پارلیمنٹ راگھو چڈھا کی گرفتاری کے بارے میں بات کرکے ایک بار پھر لوگوں کو چونکا دیا۔ حالانکہ انہوں نے یہ نہیں بتایا کہ راگھو چڈھا کی گرفتاری کس صورت میں ہوگی۔ کجریوال نے ٹویٹ کیا، ’جب سے راگھو چڈھا کو گجرات کا معاون انچارج بنایا گیا ہے اور انہوں نے گجرات میں انتخابی مہم شروع کر دی ہے۔ اب سننے میں آرہا ہے کہ یہ لوگ راگھو چڈھا کو بھی گرفتار کریں گے۔ کس صورت میں کریں گے اور کیا الزامات لگیں گے، یہ لوگ اب یہ باتیں کر رہے ہیں۔ حالانکہ چند روز قبل ایل جی ونے کمار سکسینہ نے دہلی جل بورڈ میں مالی بے ضابطگیوں کی تحقیقات کا حکم دیا ہے۔ اگر ذرائع کی مانیں تو اس مالی بحران کے دوران راگھو چڈھا ڈی جے کے وائس چیئر مین تھے۔وزیر اعلیٰ اروند کجریوال کے اس ٹویٹ پر تبصرہ کرتے ہوئے نائب وزیر اعلیٰ منیش سسودیا نے لکھا ہے کہ بی جے پی نے گجرات کے لوگوں کے 27 سال ضائع کیے، نہ اچھے اسکول، نہ اسپتال، نوکری کے لیے بھٹک رہے نوجوان ہوںیا کسان، گائے پالنے والے یا رکشا چلانے والے… اب ہر کوئی اروند کجریوال کو موقع دینا چاہتا ہے۔ بی جے پی آپ لیڈروں کو گرفتار کرکے گجرات میں الیکشن ہارنے سے بچنا چاہتی ہے۔ دیگر پارٹی ایم ایل اے نے کجریوال کی حمایت میں ری ٹویٹ کیا ہے۔ جبکہ لوگوں کی بڑی تعداد نے احتجاج میں تبصرہ بھی کیا۔ ایک شخص کو لکھا گیا ہے کہ اب شاید اگلی نوت اس کے نام ہو۔ دلچسپ بات یہ ہے کہ وزیر اعلیٰ اروند کجریوال کے ٹویٹ پر راگھو چڈھا نے شاعری کرتے ہوئے لکھا ہے کہ ’آےے اپنے خون سے کہانی لکھیں، اے وطن میرے، کریں قربان ہنس کر یہ جوانی اے وطن میرے۔
