رانچی: جھارکھنڈ میں سیاسی بحران کے درمیان گورنر نے چمپائی سورین کو حکومت بنانے کی دعوت دی ہے جمعہ کو وزیر اعلی کے عہدے کا حلف لیں گے۔ جمعرات کی رات انہوں نے گورنر سی پی رادھا کرشنن سے ملاقات کی۔ اس کے بعد ایک تصویر بھی سامنے آئی جس میں وہ گورنر کے ساتھ نظر آ رہے ہیں۔ اس سے یہ واضح ہو گیا کہ چمپائی سورین جمعہ کو ہی حلف لیں گے۔
عالمگیر عالم اور ستیندر بھوکتا چمپائی سورین کے ساتھ حلف اٹھا سکتے ہیں۔ ستیندر بھوکتا آر جے ڈی سے ہیں جبکہ عالمگیر عالم کانگریس کے ایم ایل اے ہیں۔ اس سے پہلے جمعرات کی شام 5.30 بجے چمپائی سورین نے گورنر سے ملاقات کی تھی اور حکومت بنانے کا دعویٰ پیش کیا تھا۔ انہوں نے 43 ایم ایل ایز کی حمایت کا دعویٰ کیا۔
مزید پڑھیں: ضلعی جج نے ریٹائرمنٹ کے آخری وقت میں ہندو فریق کو گیان واپی مسجد کے تہہ خانے کے اندر پوجا کرنے کی اجازت دی
جن 43 ایم ایل ایز کو چمپائی سورین کی حمایت حاصل ہے ان میں جھارکھنڈ مکتی مورچہ سے 24، کانگریس کے 17، آر جے ڈی اور سی پی آئی (ایم ایل) سے ایک ایک ایم ایل اے شامل ہیں۔ ہوائی اڈے پر تقریباً دو گھنٹے انتظار کرنے کے بعد ایم ایل اے واپس سرکٹ ہاؤس پہنچے، جہاں وہ ٹھہرے ہوئے ہیں۔
