جونپور:(یواین آئی) اترپردیش کے ضلع جونپور پرالی جلانے والے سات کسانوں کی نشاندہی کی گئی ہے جن پر ڈپٹی ڈائرکٹر(زراعت) کے مطابق جرمانہ عائد کیا جائے گا۔
ضلع ڈپٹی ڈائرکٹر(زراعت) جئے پرکاش نے اتوار کو کہا کہ کھیتوں میں زرخیزی پیداکرنے والے عناصر کو بچانے اور ماحولیات تحفظ کے لئے نیشنل گرین ٹریبونل نے سخت قوانین کا نفاذ کیا ہے جس میں سیٹیلائٹ سے بھی نگرانی کی جارہی ہے۔
دھان کی کٹائی کے درمیان چار مقامات پر پرالی جلانے کی تصویر یںسیٹیلائٹ میں قید ہوئی جسے کاروائی کے لئے بھیجا گیا ہے۔جانچ میں سات کسانوں کی شناخت کی گئی ہے اور ان کے خلاف کاروائی کے لئے ایس ڈی ایم کو رپورٹ بھیجی گئی ہے۔
این جی ٹی نے کھیتوں مین فصلوں کے باقیات جلانے والوں کے خلاف سخت قانون بنائے ہیں۔پرالی جلانے پر جہاں ڈھائی سے لے کر 15ہزار روپئے تک جرمانے کی رقم طے کی گئی ہے وہیں دوبارہ جلاتے ہوئے پکڑے جانے پر محکمہ زراعت سے ملنے والے گرانٹ سے بھی محروم کیا جاسکتا ہے۔
