جموں و کشمیر میں گاڑی کھائی میں گرنے سے 12 افراد ہلاک

جموں وکشمیر کے ضلع ڈوڈہ میں آج ایک گاڑی سڑک سے پھسل کر گہری کھائی میں گر گئی۔اس مسافر گاڑی کے کھائی میں گرنے سے 12 افراد کی موت
ہو گئی ۔اور چارلوگ شدید طورپر زخمی ہوگئے ہیں۔یہ حادثہ اس وقت پیش آیا جب ایک
درجن سے زائد مسافر سوار ایک گاڑی سڑک سے ٹکرا کر نیچےکھائی میں گر گئی ۔ ڈوڈا کے سینئر سپرنٹنڈنٹ پولیس ممتاز احمد نے بتایا کہ یہ حادثہ ضلع کے مرمت علاقے میں ہوا ہے۔ اہلکار نے بتایا کہ مرنے والوں میں دو بچے بھی شامل ہیں۔